saber_200737 مدير المنتدى
المشاركات : 8501 العمر : 44 الدولة : مصر رقم العضوية : 15 التواجد بالمنتدى : الاوسمة : نقاط النشاط : 21994 تاريخ التسجيل : 13/07/2008
اضافات sms:
| موضوع: بالصدفه عرفت..بقلمى(صابر) 16/10/12, 06:46 am | |
|
بالصدفه عرفت
عمرى ماشكيت.. ولا لحظه قلقت وقلبى احتار.. ولا كنت اصدق يوم غدرك.. قلب اللى يحب .. يحب بجد ويبنى جدار.. وبثقه كان قلبى بيشهدلك.. تؤمر مااقدرش ارفضلك.. وتجور وتثور اسكتلك.. دلوقتى خلاص من فضلك.. ايه يغصبنى اطيع امرك.. واصبر واتهان بأوامرك.. جرحك بكانى نزفت.. بعد اللى حصلى حلفت.. الحب مايدخل قلبى.. وكفايه عليا ماشفت.. غدرك خلانى ضعفت.. خاين.. بالصدفه عرفت..
على كده لو كنش خبر جانى كنت فضلت مغميه.. وتخون وانا احبك ياانانى وانت اللى بتلعب بيا.. تغدر وتخبى عليا.. وانا دايبه سنين حنيه.. عايشه مخبيه عينيه.. وحبيبى بيجرح فيه..
ليه ممكن تفضل ف حياتى وانا بره حياتك ليه.. انا كنت معاك بنسى حياتى وكيانى بعيشلك بيه.. ازاى اخلصلك والاقى جواك احساس غدار.. كان ممكن لو احسك باقى اتكوى واقبل بالنار.. ياخساره ماكنتش عارفه.. م الحب مكنتش شايفه.. جتلى خيانتك بالصدفه.. جرحك بكانى نزفت.. بعد اللى حصلى حلفت.. الحب مايدخل قلبى.. وكفايه عليا ماشفت.. غدرك خلانى ضعفت.. خاين.. بالصدفه عرفت..
بعد ماخلصت جمال عمرى وحنين قلبى اتلوعت.. بعد ماحبيتك طول عمرى.. دلوقتى لقيتك بعت.. والغالى رخص وياك.. منفعش الحب معاك.. ووفاء القلب اللى اتبحتر وتراب الغدر ملاه.. كان غالى وكان يمكن اكتر من كل اللى انا حساه.. اعملك ايه وتحس.. بمرارة جرحك بس.. من غدر يومين بس ياقلبى دوبت وخسيت النص.. جرحك بكانى نزفت.. بعد اللى حصلى حلفت.. الحب مايدخل قلبى.. وكفايه عليا ماشفت.. غدرك خلانى ضعفت.. خاين.. بالصدفه عرفت..
| |
|