افطار اليوم الثامن عشر

موضوع: افطار اليوم الثامن عشر 18/09/08, 09:18 am

اهلا بيكم مع مطبخ احلام بنوته

وافطار اليوم الثامن عشر من رمضان

وبيتكون من :
كبده محمره قاهريه + مكرونه بالثوم + سلطه بلدى + الحلو كنافه بالكريمه والموز

كبده محمره قاهريه
_ مقادير الكبده :

نصف كيلو كبده شمبرى
+ 2 حبه فلفل رومى
+ 2 بصله متوسطه
+ ملح وفلفل اسود
+ خل + زيت للتحمير

الطريقه :

تتبل الكبده بشرائح البصل وشرائح الفلفل الرومى والملح والفلفل ويضاف اليها الخل وتترك داخل التلاجه ساعتين على الاقل
بعدها تحمر فى الزيت مع التقليب وتقدم ساخنه

المكرونه بالثوم

_ المقادير :
نصف كيلو مكرونه
+ عصير طماطم
+ ملعقه كبيره ثوم مهروس
+ ملح وفلفل وبهارات + زيت او سمن

_الطريقه :

يقدح الزيت او السمن وتضاف اليه ملعقه الثوم مع التقليب ثم تضاف صلصه الطماطم والملح والفلفل والبهارات
وتترك على نار هادئه حتى تتسبك
تسلق المكرونه وتصفى بعد الغسيل وتضاف الى الصلصه مع التقليب برفق على نار هاديه
حتى تمتزج مع الصلصه وتقدم ساخنه

_ السلطه البلدى :

هى مكونات السلطه الخضرا ولكن مع اضافه البصل
_ السلطه الخضرا
هى مكونه من
:
طماطم وفلفل
اخضر ورومى
وجرجير مع بقدونس
مع كزبره مع مبشور الجزر الاصفر
وجزر احمر وبنجر وليمون وذره ملح
فاذا اضفنا البصل اصبح اسمها سلطه خضراء بلدى
لاحظى
الفرق
_ الحلو :

الكنافه بالكريمه والموز:

المقادير :
نصف كيلو كنافه
+ ربع كيلو كريمه لبانى
+ 5 اصابع موز
+ سكر + سمن +عصير ليمونه
الطريقه :
تفرك الكنافه بالاصابع وتحلل من بعضها مع اضافه قليل من السمن وقليل من السكر اليها وتقسم نصفين _ يوضع كل قسم منهما فى اناء مدهون للتسويه ويضاف ايضا سمن اللى وجه كل صينيه وتدخل للفرن حوالى عشرين دقيقه
_ تسحب من الفرن ويقلب كل قرص الى الوجه الاخر وتعاد مرة اخرى الى الفرن 5 دقايق
بعد ذلك تسحب من الفرن وتسقى بالشراب السكرى وتترك حتى تبرد تماما
( الشراب السكرى ذكرنا من قبل انه عباره عن 2 كوب سكر + 3 كوب ماء تغلى على النار حتى يقل مستوى الماء داخل الاناء قليلا يضاف عصير الليمون وبعدها ب 5 دقايق يرفع من النار ويضاف باردا للكنافه لو ساخنه او العكس )
بعد ان تبرد الكنافه ناخذ احد القسمين وندهن سطحه بطبقه من الكريمه حتى نفاذ الكميه
ثم ترص فيها طرنشات الموز بعد التقطيع بجوار بعضها ويغطى كل ذلك بنصف الصينيه الاخر مع مع ملاحظه ضبطهما فوق بعد ويدخل التلاجه ساعتان ويقدم بعد ذلك
وبالهنا وصوما مقبولا

[center]

موضوع: رد: افطار اليوم الثامن عشر 19/09/08, 12:54 am

ايه الحلاوة ذي
كبدة قاهرية
انت انتقلت من الكبدة الاسكندراني للقاهرية
بكرة هتنتقل فين
حقيقي الاكل لذيذ وروعة
تسلم ايديك ياطاهي

موضوع: رد: افطار اليوم الثامن عشر 19/09/08, 01:28 am

تسلم ايديك يا صابر

موضوع: رد: افطار اليوم الثامن عشر 19/09/08, 01:40 pm

بعد كده ح نروح على الكبده المغربيه ونحلى بالقلوب

موضوع: رد: افطار اليوم الثامن عشر 19/09/08, 01:40 pm

شكرا لمرورك نور نورتى