" اة انا عندى خبرة اكتر منك..وياما عدى عليا ناس وشوفت كتير فى الدنيا دى..انت لسة جديد ابن امبارح واللى يعيش ياما يشوف وانا شوفت كتيير "
اكيد دة الكلام اللى كلنا بنسمعه ودا اللى دايما بيتقال فى كل بيت سواء بين الابن ووالده او البنت ووالدتها او حتى بينك وبين اى حد اكبر منك اكيد كلمة انت لسة صغير او انت لسة صغيرة واسالنى انا انا جربت كتير وشوفت كتير دايما بنسمعها ودايما لما بتاخد راى اى حد فى مشكلة تخصك بيقول الكلام دة وبيكون عايزك تنفذ اللى هو شايفه من وجهه نظرة انه صح ومش عايزك تجرب بنفسك اكيد الكلام دة مش بيكون بغرض التحكم وخلاص بيكون هدفة هو انك توصل للطريق والاختيار الصح ولكن باقصر الطرق وباقل الخساير..لكن احنا طبعا مش بنحسبها كدة ابدا ومش بنقبل كلام ولا نصيحه من اى حد وبنحب اننا نجرب حتى لو كان محكوم على التجربة بالفشل وبنحب نشوف بنفسنا ونتاكد ودايما ماشيين وراء مقولة الممنوع مرغوب ولازم تاخد قرارك بنفسك ومتسمعش كلام حد..ما كلنا بنعمل كدة وانا اولكم بس يعنى مش علطول يمكن ساعات كتير بنكون فعلا غلط وكلامهم بيكون صح بس بردو دة مش شرط ومش على طول لان الزمن اتغير والناس اتغيرت وحاجات كتير اوى حولينا اتغيرت ومبقاش ينفع اننا نتعامل معاها زى ما كانوا بيتعاملوا معاها زمان يعنى زى ما بيقولوا بالبلدى لكل وقت اذان ولو احنا فعلا ولاد امبارح بس هنقدر نتعامل مع بكرة علشان هو لسة يوم جديد زى ما احنا لسة جداد فى الدنيا ومش معنى كدة اننا بنقلل من تجارب وخبرات الناس السابقة اللى بنكن لهم كل حب واحترام وتقدير واكيد دايما هنلجأ ليهم لما الامور تتعقد ونكون محتاجين مساعدتهم ماهما بردو الخير والبركة
السؤال بقى
هل انت بتحب تاخد برأى الاخرين وتستفيد من خبرااهم وتجاربهم ولا بتحب تخود انت التجربه وتتعلم منها بنفسك؟؟
زائر زائر
موضوع: رد: يا ابنى انت لسة بدرى عليك اوى 30/09/08, 06:27 am
التجربة تجعلك لا تنسى الدرس.. والنصيحة تجعلك تتفادى ضياع الوقت ..وربما بعض الخسائر وأفضل شئ أن نأخذ بالأثنين بعض التجربة وبعض النصيحة شكرا لك
موضوع: رد: يا ابنى انت لسة بدرى عليك اوى 01/10/08, 07:09 am
والله يا مودى انا الحقيقة عشت طول حيلتى باخد قراراتى بنفسى وبدون أخد نصيحة أحد واكتشفت مؤخرا ان معظم قراراتى كانت خطأ مازلت عنيدة ارفض عادة النصح لكن الحق يقال انه عادة يجب ان نأخذ فى اعتبارنا نصائح ذوى الخبرة فى الاعتبار لنقصر على انفسنا الطريق فى اشياء كثيرة
modyfunky مشرف المنتديات الرياضية
المشاركات : 1309العمر : 36رقم العضوية : 47 التواجد بالمنتدى : نقاط النشاط : 5857تاريخ التسجيل : 23/08/2008
بصراحه كلكم قولتوا اللى فيه الكفايه ولكن لى كلمات قليله الاب او الاخ او الام الذكى هو من يستطيع ان يقوم بتوصيل خبراته واراءه بصوره اقرب الى التشاور لا الى الفرض والضغط على ابناءهم فمن الممكن ان استطيع اقناع ابنى بما اريده وفى نفس الوقت يكون من وجهة نظره هو متخذ القرار هى معادله صعبه شويه بس الذكي يقدر يحققها تسلم بجد موضوع رائع
modyfunky مشرف المنتديات الرياضية
المشاركات : 1309العمر : 36رقم العضوية : 47 التواجد بالمنتدى : نقاط النشاط : 5857تاريخ التسجيل : 23/08/2008
موضوع: يا ابنى انت لسة بدرى عليك اوى 
24/09/08, 03:21 pm
