المهلبية بالمكسرات

موضوع: المهلبية بالمكسرات 13/10/08, 01:44 am

المقادير:
4 كوب لبن .
2 ملاعق كبيرة نشا.
1 ملعقة صغيرة فانيليا أو ماء ورد .
6 ملاعق كبيرة سكر .
مكسرات مفرية حسب الرغبة .

الطريقة:
ـ توضع النشا في قليل من اللبن البارد .
ـ يحلى باقي اللبن ويرفع على النار حتى يغلى ثم تضاف النشا المذاب مع التقليب السريع بالمضرب .
ـ يرفع الخليط السابق على النار في حلة من النحاس مستديرة الجوانب يغلى مع التقليب المستمر لمدة من 5 : 7 دقائق حتى ينضج النشا وتضاف الفانيليا أو ماء الورد.
ـ تصب في طبق فرن ويرش على سطحها قليل من السكر البودرة وقطعة من السمن وتزج في الفرن حتى يحمرالوجه ثم تترك لتبرد ويرش فوق الوجه المكسرات المفرية وتقدم.

موضوع: رد: المهلبية بالمكسرات 13/10/08, 05:05 am

ده انتى منورة المطبخ يا نور والله
وتعملى وصفات سهله وجميلة
تسلم ايديكى والله الواحد كان نفسه فى حاجة مسكرة
كانى اكلتها بالظبط
اقوم اجيب انا بقى الايس كريم من الفريز واقعد اغيظ فيكوا شوية يعنى انتوا تاكلوا مهلبية وانا اسكت

موضوع: رد: المهلبية بالمكسرات 13/10/08, 01:02 pm

ونهون عليكى برضه تاكلى ايس كريم لوحدك واحنا نبصلك
ده انا مش بحب المهلبيه وعملتها عشانكم
بس انا عارفه اننا مش هنهون عليكى وهتدى كل واحد معلقه ههههههههههههههههههههههه

شكرا لمرورك يا قمر

موضوع: رد: المهلبية بالمكسرات 13/10/08, 01:44 pm

ده انا اجيبلك باسكن روبنز كله لحد عندك يا نور
انا افتكرتك هاتكلى مهلبيه معاهم
لا طبعا انتى تاكلى ايس كريم معايا
واللى عايز يتفضل بس ما تحفوووووش
حته صغيرة علشان كله ياكل
انا اصل الشيكولاته والايس كريم والكبدة والبطاطس المحمرة والبيبسى دول طماعة فيهم قووووووى
يعنى ممنوع الاقتراب او التصوير
انما حبابيبى بقى
ماشى يا خدو ايس كريم
انما بيبسى وبطاطس محمرة
nooooooooooooooo

موضوع: رد: المهلبية بالمكسرات 13/10/08, 02:07 pm

كنت عارفه اننا مش هنهون عليكى
بس طالما فيها كبده كلى انتى الايس كريم انا بطلت اكله
ههههههههههههههههههههههههههههه

موضوع: رد: المهلبية بالمكسرات 13/10/08, 02:26 pm

هههههههههههههههههههههههههههههههه
يا حبيبة قلبى شوفتى بقى القلوب عند بعضها ازاى
طلعتى بتحبى نفس الحاجات اللى بحبها
مسيرى فى يوم عامللكم عزومة جامده
اعملك الكبده
واعمل لتفانين فطائر الدجاج بالباشاميل
واعمل لصابر الرقاق
وللمى الكبسة
ولباقى الاعضاء كل اللى بيحبوه
بس استنوا بقى لما تهبط عليا ثروة من السماء
اصل العزومة دى ممكن تضر باقتصاد دوله مش ميزانية محدودة زى ميزانيتى
لكن ان شاء الله اكيد هاعملها
حتى لو على مراحل
كل مره 5 اعضاء وامرى لله

موضوع: رد: المهلبية بالمكسرات 13/10/08, 03:00 pm

هههههههههههههههههههههههههههه
خلاص انا مستنيه وكمان مستعده اشارك معاكي فى العزومه شوفى انت تحبى تعملى ايه
واعمليه والباقى انا اعمله

موضوع: رد: المهلبية بالمكسرات 13/10/08, 03:14 pm

الميزانية مش مشكله انا ممكن اعمل قرض
انما انتى هاتساعدى فى المطبخ يعنى معايا من قبلها باسبوع امال هانكل الجيش ده كله ايه
دول ممكن يا كلونا لو الاكل ماكفاااااش
انتى قبلها بشوية تلمى هدومك وتيجى واحنا ونصيبنا بقى
واول ما يتوافقلى على القرض
انا هاكلم بابا اخد منه الاذن
سيبيه عليا انا
وانا مش هاهون عليه
اتورط لوحدى فى العزومة دى كلها

موضوع: رد: المهلبية بالمكسرات 13/10/08, 03:19 pm

ههههههههههههههههههههههههههههههههههههه
خلاص اتفقنا

موضوع: رد: المهلبية بالمكسرات 14/10/08, 11:03 pm

ايه ح تشحتوا علينا مش عايزين وبعدين خلى عنك يااستاذه انا ممكن اشيل الليله

موضوع: رد: المهلبية بالمكسرات 15/10/08, 01:33 am

شيلينك للكبيره يا صابر
شكرا لمرورك