Dream Admin
المشاركات : 7031 الدولة : مصر المزاج : رايقة الحمد لله رقم العضوية : 1 التواجد بالمنتدى : الاوسمة : نقاط النشاط : 10893 تاريخ التسجيل : 20/06/2008
اضافات sms:
| موضوع: انا مدب ياشيخة قولى كلام غير ده!!!! 24/10/08, 08:42 am | |
| كان فى واحد بيحب واحده فحب يعبرلها عن مشاعرة ( والواد صريح حبتين لالا تلات اربع حبات هههههه )المهم بعد اما قابلها راح قابل صاحبة عالقهوة وكان زهقاااان (شكل البت نفضتله)
ماسك الشيشة بايد والايد التانية عمال يخبط فى صاحبه ويكلم نفسه ويقول:
انا مش مَدَبّ.. انا مش عارف هي جابت الكلام ده منين؟
اهدى بس -
كل ما اقولها حاجة.. تقولي انا مَدبّ.. حمارة مبتفهمش في المشاعر
احكيلي ايه الي حصل -
بص يا سيدى احنا كنا قاعدين في الكافيه وقاعدين على ترابيزة مدورة وهي قدامي
قولتلها أديني جايبك حتت نضيفة اهه ماروحتيهاش قبل كده طلبنا برتقان .. وبكلمها يا عم وعمّال اقولها الكلام الكبير بتاع المشاعر
و هي غاية في الغباء
عمال المّح لها و اقولها انا بتصل بيكي كتير وبكلمك كتير.. و بسأل عليكي لكن مش معنى كده اني مهتم بيكي انا بعمل كده مع الناس كلها.. علشان انا مهتم بالانسان مش بيكي انتي بس .
علشان تفهم اني اجتماعي
و هي آخر غباء
اقولها انها تخنت والمفروض تقلل من البيبسي وتبطل أكل شوية بالطفاسة اللي هي فيها دي
علشان تفهم اني مهتم بيها وبرشاقتها و خايف عليها من كتر الاكل.
و هي آخر حمورية
أقولها حاولي تلبسي لنسيز علشان النظارة دي مبيناكي عجوزة ومش حلوة على وشك وخصوصا انه مش حلو قوي
علشان تفهم اني باخد بالي من التفاصيل
وهى اخر عبط
اقولها ان بعض تصرفاتها مش عجباني و انها بترغي كتير في الموبايل تقولي: ما انا بكلمك برضه اقولها ماهو ده قصدي.. انتي بترغي وبتكلفيني كتير في الفاتورة
علشان تفهم اني مدبر واقتصادي
و هي آخر جهل
لما جه الشيك علشان ندفع كانت حاتدفع فأخدت منها الشيك وقولتلها انا اللي حادفع وضحكتْ وقلتلها مافيهاش حاجة لما أدفع ده كمان.. ما احنا المرتين الي خرجنا فيهم انا اللي صرفت عليكي
علشان تفهم اني جدع معاها
و هي نازل عليها بغباء
قعدت تحكي في القراءة والثقافة و انت عارف محسوبك تقيل في الحاجات دي لغاية ماقالتلي على الكاتب اللي بتقراله دلوقتي ومدى حبها ليه وبكتاباته قولتلها انه حمار واللي بيقروله بهايم
علشان تفهم اني مثقف وداري بما يدور في الساحة الثقافية ومطلع على جميع الكتاب و الاصدارات.
ولا حياة لمن تنادي
دفعنا الشيك و خرجنا
سيبتها عند الباب ولما قالتلي مش حتوصلني ؟
قلتلها لأ طبعا
سيبتها في الشارع و ركبت العربية ومشيت
علشان تفهم اني مش مدلوق عليها
حلو لحد كده يا عم؟
عاطفة و اشواق وحب من الأصلي هي دي الرومانسية
شوف بقي غباوتها اللي جايه
قلت أكلمها بالليل و انهي الموضوع و اقولها إني معجب بيها والكلام الكبير ده بتاع الارتباط والحب والجواز و انها هي الكسبانة والموضوع حيقع عليّ بخسارة كلّمتها وقلتلها الكلمتين
قالتلي اني ظريف وطيب بس هي عايزة واحد رومانسي.
ضحكتْ و قلتلها انتي حمارة بقى.. ههههه.. كل ده ومش رومانسي
انتي لازم تعملي اختبار ذكاء.. ههههه.. غباء غريب
دا انا وديتك اماكن ماروحتيهاش وصرفت عليكي
دا احنا مثقفين زي بعض وبلاش كده
و كلمتلك عن وشك وجسمك يا تخينة.. هههههه
عجبتني قوي اخر جملة دي.. رحت عدتها تاني ...يا تخينة ...يا تخينة...
سكتتْ كتير
و قعدت أقول: الو الو الو.. ومحدش رد قفلت واتصلت بيها ومحدش رد
وفي الاخر البني آدمة تبعتلي مسج تقولي
انت مدب.. مدب.. ومبتحسش.. انت مدب.. مبتفهمش
شفت اخرتها
انا مدب
بنت .. مبتفهمش.. مبتفكرش
.. قولي يا عم والنبى فى حد كده | |
|
زائر زائر
| موضوع: رد: انا مدب ياشيخة قولى كلام غير ده!!!! 24/10/08, 05:19 pm | |
| هههههههههههه فعـــلا الواد ده...قمة فى الجنتتتتتتتله
وخصوصا فى الحته دى..
دفعنا الشيك و خرجنا
سيبتها عند الباب ولما قالتلي مش حتوصلني ؟
قلتلها لأ طبعا
سيبتها في الشارع و ركبت العربية ومشيت
علشان تفهم اني مش مدلوق عليها
شكرا |
|
noormohamed مشرفة المنتديات العامة
المشاركات : 4119 العمر : 35 الدولة : مصر رقم العضوية : 42 التواجد بالمنتدى : الاوسمة : نقاط النشاط : 6046 تاريخ التسجيل : 20/08/2008
| موضوع: رد: انا مدب ياشيخة قولى كلام غير ده!!!! 24/10/08, 11:25 pm | |
| ههههههههههههههههههههههههههههههههههههههههه دى مدب شويه عليه بس برضه دمه خفيف تسلم الايادى | |
|
Dream Admin
المشاركات : 7031 الدولة : مصر المزاج : رايقة الحمد لله رقم العضوية : 1 التواجد بالمنتدى : الاوسمة : نقاط النشاط : 10893 تاريخ التسجيل : 20/06/2008
اضافات sms:
| موضوع: رد: انا مدب ياشيخة قولى كلام غير ده!!!! 26/10/08, 10:08 am | |
| تفانين ونور سعيدة جدا جدا جدا بمروركم وبعدين مين قال عليه مدب هى اللى فهمته غلللللللط | |
|
elembrator2006 عضو جديد
المشاركات : 2 العمر : 37 رقم العضوية : 173 نقاط النشاط : 5662 تاريخ التسجيل : 27/10/2008
| موضوع: رد: انا مدب ياشيخة قولى كلام غير ده!!!! 27/10/08, 03:00 pm | |
| هههههههههههههههههههه جميل جدا هههههههههههههههه هو بصراحة صريح ودة مش عيب هى اللى غبية فى اكتر من كدة رومانسية[b] | |
|
Dream Admin
المشاركات : 7031 الدولة : مصر المزاج : رايقة الحمد لله رقم العضوية : 1 التواجد بالمنتدى : الاوسمة : نقاط النشاط : 10893 تاريخ التسجيل : 20/06/2008
اضافات sms:
| موضوع: رد: انا مدب ياشيخة قولى كلام غير ده!!!! 27/10/08, 03:07 pm | |
| elembrator2006
سعيدة جدا بمرورك وردك السكر نورت المنتدى بجد | |
|
saber_200737 مدير المنتدى
المشاركات : 8501 العمر : 44 الدولة : مصر رقم العضوية : 15 التواجد بالمنتدى : الاوسمة : نقاط النشاط : 22003 تاريخ التسجيل : 13/07/2008
اضافات sms:
| موضوع: رد: انا مدب ياشيخة قولى كلام غير ده!!!! 29/10/08, 11:42 am | |
| المهم ماعرفناش يعنى الخطوبه ح تكمل ولا ده اخر كلام بينهم هوه الواد صح مدب ومش بيفهم وفيه كل العبر بس هيه اصلا غبيه لانها اتعرفت عليه وده فى حد ذاته تكافىء ياريت نعرف فى جواز ولا اتفركشت | |
|