[size=21] اتقابلنا مرتين فى ساعه الاولى شفته بالبيجاما شعره منكوش والسيجاره مدخنه منظره حسره وندامه ايه ياعم عامل ايه بصلى ومع السلامه شكله شايط شكله لاسع مالوش فى الاوصاف علامه حاجه ماشيه زى راجل بس ايه من غير اقامه زى مايكون قطع بطاقته ومستنى تقوم القيامه خدت بعضى ورحت شغلى واتلهيت حبه بمشاغلى نص ساعه ويندهولى حد ع التليفون طالبنى ايوه حاضر مين الوو واحد صاحبى زعلان مع ابوه ياابنى اصبرمشى حالك راسه جزمه وراس ابوه تعالى هاتلى هدمتين اروح اريح جمعتين مرات ابويا ست عفشه اغور واسيبهم مرتاحين خدت اذن ورحت راجع ولسه داخل على الشارع شفت جارى المنكوش مدلع راسم مرسوم ومبدع حاجه زى بتوع السيما واحد تانى عليه القيمه يخرب بيت شغل الحركات الراجل بقى حلويات انما على مين فضولى لقيته متغاظ م الراجل يخرب بيته فى خلال ساعه بقى شماعه تتحط فى اجمل فترينه غاظنى لما اتغير حاله اموت واعرف اللى جراله ونسيت صاحبى ومرات ابوه راح بمشاكله واللى جابوه ولا رنات ولا الف الوو سديت السكه على صاحبنا وكاْنه افضل حبايبنا قوللى ياعم ايه كان مالك ودلوقتى اتشقلب حالك قاللى مافيش بس المزه مستنيه يخرب عقلك طب ومراتك قال دى رزيه طب وعيالك زى ماهيه والتغيير ده ده علشان المزه قاللى ولسه فيه ايه تانى قال بعدين مستنيانى يانهار ابيض الراجل من صرصار لمرايه كل ده علشان المزه طار م البطه ام عياله وراح للوزه لاء واتحفلط واتزوق زى عريس ليله الدخله يخرب بيت الحب ياهوه بيشقلب حال اللى عاشوه عقبالنا ياقادر ياكريم يتكرم ويجينا يومين احنا وكل السامعين ايه ده ؟ غسيل طاير م الشباك وحبه ناس ملمومه هناك واد بيزعق وست تصوت ياااااه دا الواد صاحبى ومرات ابوه اصلى نسيته الراجل والمزه بتاعته يخرب بيته خلونى ضيعت الواد ولا رحتش بيته وهدومه طارت فى الشارع فرده كوتشى هناك وقميص على حرف الشباك وبلوفر على سلك النور رمياهم من رابع دور الواد ايه بيطق شرار وانا مدارى خلف جدار مستنى يدور عينه واطير لو شافنى مش ح يكون خير يخرب بيت المزه ويخرب بيت البطه الواد راحت كل هدومه اونطه
موضوع: اتقابلنا مرتين 
18/11/08, 12:09 pm
