انا كنت فاكرك محترم

يامحترم..
انا كنت فاكرك محترم
..اتارينى واخد فيك قلم
..علشان لو انت محترم
بتقول كلام ذوق محترم
لازم بفضله تحترم
اصل الكلام المحترم
بقى من سمات اهل الكرم
والشخص لو مش محترم
مايختلفش عن الصرم
وباْى ورقه وبقلم
اشربه كاس الندم
بالمنظره والفلسفه مش حتلاقينى بلعب معاك
لو الشيطان ضاحك عليك طب خلى بالك من قفاك
انت فقدت الاحترام
ولا تستاهلش غير لجام
والضرب لو تحت الحزام
تتمنى ياابنى تموت اوام
الاحترام ده من الاداب
صفه ومش محتاج كتاب
مايعرفوش الفهلوى
او حد خايب بالاوى
ساعتها لازم نكتمه
جاهل لابد نعلمه
نقرصله ودنه نقوله
عيب اعقل يانغه بلاش تخيب
العبك زى العرايس يحتار معاك اجدع طبيب
دى مره اولى ولفت نظر
ياريت تحذيرى يكون وصل
ولا تتغر انك مسنود
دلوعه واخر العنقود
تغلط تاخد بالشلوت
ولا تعرفش لغضبى حدود