...نصيب...

موضوع: ...نصيب... 20/03/09, 02:48 pm

[size=25]
نصيب.
.مين يعرف فين نصيبه.
.مين يتحدى النصيب.
.مين يهرب من مصيره.
.ويعاند النصيب.
.فى نار ملهاش لهيب.
.فى جراح من غير طبيب.
.لكن سطور حياتك زى ماقال النصيب.
.مين قال احب ده.
.او اكره ده وده.
.واختار وقدر يحقق لو مش مكتوبله ده.
.مابتعرفش الحبيب.
.الا بعد النصيب.
.لو كان مش من نصيبك مهما تعمل تسيب.
.لكن لو كان نصيبك.
.مكتوب يكون حبيبك.
.يقرب لو بعيد.
..ويحبك لو غريب.
.زى ماقال النصيب.
.ماانت مالكش فى حياتك ابدا غير النصيب.
.روح توه ويا السفر.
.روح قابل فى البشر.
.وانت فى وسط انشغالك تغيب مهما تغيب.
.روح ولا تشغلش بالك اخرك هوه النصيب.
.مشوارك او سنينك.
.ولا سكه حنينك.
.كل مافى العمر صادفك مكتوبلك فوق جبينك.
.روح ماتحسبش عمرك.
.علشان ده مش بأمرك.
.والكون مش تحت أمرك.
.بس ابقى راضى بيها.
.روح ماتفكرش فيها.
.سيبها لربك ياعالم.
.وتيجى باللى فيها.
.ماتقولش امتى احب.
.لو مكتوبلك تحب.
.ياح يجيلك لوحده.
.ياانت تروحله عنده.
.يعنى ماتشغلش بالك.
.وتسأل ليه ومالك.
.لو جى ح يبقى جى.
.ويوم ح تقابله زى.
.صبح بعد ليل مهما كان طويل.
.ترتيبه من القدر.
.مش من صنع البشر.
.مش محتاج لكلمه.
.من مخلوق ده لما.
.بيجيلك نصيبك.
.انت ولا همه.
.فى ترتيب عجيب.
.لاجل يتم النصيب.
.مين يعرف فين نصيبه.
.كان كله راح يجيبه

[/size]

موضوع: رد: ...نصيب... 20/03/09, 06:55 pm

حلوه اوي اوي اوي اوي اوي اوي اوي

موضوع: رد: ...نصيب... 20/03/09, 07:01 pm

عارف يا صابر انت بجد لو مكشوف عن الحجاب مايحصلش اللى حصل ده

اول ماكتبت دى وانا بدوس بالماوس قبل ماافتحها
كانت امى حاضنى دموعى بايديها الحنين وبتقولى..... نصيب
باست خدى فتحت لقيتك كاتب
نصيب
اتخضيت بجد
ومهما قولتلك قد ايه جميلة بجد مش هاوفيك حقك
تسلم ايدك

موضوع: رد: ...نصيب... 20/03/09, 09:36 pm

كل ده ياسمسمه طيب ياستى ربنا يجبر بخاطرك شرفتى الموضوع بطلتك

موضوع: رد: ...نصيب... 20/03/09, 09:38 pm

ماانا فعلا مكشوف عنى الحجاب انتى ماتعرفيش ولا ايه ده انا سرى باتع واسالى

موضوع: رد: ...نصيب... 20/03/09, 09:42 pm

لا عارفة من غير ما اسأل
دى جربتها كتير ماشاء الله عليك

موضوع: رد: ...نصيب... 20/03/09, 09:47 pm

الحمد لله انك عارفه نورتى

موضوع: رد: ...نصيب... 20/03/09, 11:27 pm

فعلا يا صابر كل حاجه فى حياتنا هى نصيب
تسلم ايدك
اكثر من رائع

موضوع: رد: ...نصيب... 21/03/09, 12:16 am

رائع ياصابر كل كلمة سطرتها الا وليها معنى كبير في حياتنا
وكل حاجة في حياتنا ودنيتنا نصيب
بس ايه حكاية مكشوف عنك الحجاب
ما تطلب من ادارة المنتدى انها تخصص لك قسم خاص للحكاية ذي
اهي بالمرة ابقى السكرتيرة بتاعتك ههههههههه
دام لنا قلمك المتألق

موضوع: رد: ...نصيب... 21/03/09, 01:48 am

النصيب
هو ما لا يستطيع احد ان يغيره
تسلم ياصابر
قمة فى الابداع

موضوع: رد: ...نصيب... 22/03/09, 02:22 pm

الرائع هوه مرورك يانور وتشريفك صفحتى

موضوع: رد: ...نصيب... 22/03/09, 02:26 pm

يااستاذ سنؤه انتى عضوه بارزه ومشهود لكى بالكفاءه ولكى مكانه فوق العاده عند المديره وبما انك صاحبه الاقتراح وكمان ح تستفيدى من قيامك باعمال السكرتاريه يكون افضل لو حضرتك تتكرمى وتطلبى منها واكيد مش ح ترفضلك طلب خصوصا وانتم اعز الاصحاب

موضوع: رد: ...نصيب... 22/03/09, 02:27 pm

ايوه يادرش وبما انه اتفق على ان الانسان مسير مخير فالنصيب له باع كبير فى حياة كل البشر شكرا على مرورك

» تحميل اغنيتين لشريف مكاوى ده نصيب وفهمت اللى فيها