قلبك جمد...

موضوع: قلبك جمد... 25/04/09, 05:54 pm

قلبك جمد.
.وبقيت بتعرف تبات بعيد.
.قلبك جمد.
.بقى زى مايكون من حديد.
.مش هوه ده القلب اللى كان
ولاده حبيبى بتاع زمان.
.بقيت بتعرف تبقى وحدك.
.بقيت بتتحمل ف بعدك.
.بقيت بتقدر ع الغياب.
.قلبك جمد.
.وبقيت ولا يهمك عتاب.
.ولا يهمك حتى العذاب.
.مش انت ده ولا كان كده حبك ف يوم.
.ولا كنت بتعذب كده وبتحب لوم.
.فين الحنين الرقيق.
.فين الحبيب الصديق.
.غايب ومااعرفلوش طريق.
.عايش وسايبنى غريق.
.قلبك جمد وبقيت بتقدر
تبعد واحنا نبات نفكر.
.ولا عاد يهمك مين بيعشق.
.ولا عاد يهمك مين بيسهر.
.قلبك جمد وبقيت ولا يهمك عتاب.
.ولا يهمك حتى العذاب

.غيرت فيك الطبع امتى.
.كنت بحبك زى ماانت.
.بدلت ليه الحنيه قسوه.
.وعملت فين م الضعف قوه.
.انا لما حبيتك عشقتك.
.بالموده ويا طيبتك.
.بقيت بحسك حد تانى
مش حبيبى اللى عرفتك
قلبك جمد وبقيت بتقسى
ع.اللى بيحبك ولسه.
.بقيت بتقدر ع الغياب.
.وبقيت ولا يهمك عتاب.
.ولا يهمك حتى العذاب.
.قلبك جمد

موضوع: رد: قلبك جمد... 26/04/09, 04:40 pm

جميل جدا يا صابر
تسلم الايادى

موضوع: رد: قلبك جمد... 26/04/09, 06:54 pm

شرفنى مرورك نور اشكر طلتك

موضوع: رد: قلبك جمد... 29/04/09, 01:12 am

مين ده اللى قلبه ممكن يجمد امام مشاعرك المتدفقة وكلماتك الرقيقة يا شاعرنا انت بتقول اجمل كلام فى الدنيا وبتوصف اجمل مشاعر
تسلم الايادى متألق كعادتك وبجد خلصت فى كتاباتك الجميلة كل الكلام الحلو

موضوع: رد: قلبك جمد... 29/04/09, 11:24 am

نورتى الصفحه دريم واسعدتينى بمرورك ومش عارف ارد على بلاغتك اعذرينى

» ياويله قلبك
» يا قلبك..حنون
» تهزك ولو قلبك حجر
» اضحك من قلبك
» قلبك..أم كرامتك ؟؟؟