...حسبهالك...

موضوع: ...حسبهالك... 26/04/09, 08:25 pm

بيحسبوها بالسنين.
.الناس بتحسب بالسنين.
.وتقول كذا..سنه كذا.
.وانا حسبهالك بالثوانى والدقايق والساعات.
.كل سطر وكل كلمه وكل حرف من اللى فات.
.حسباها يوم..من بعد يوم.
.مع القمر..وعلى النجوم
من يوم فراقك غصب عنى.
.من يوم ماسبت فراغ قاتلنى.
.بالثوانى حسبتها
ثانيه بثانيه بعدها.
.شوف كام دقيقه جمعتها.
.وكل ساعه لوحدها.
.كام ليله وحدى سهرتها.
.كام دمعه نار نزلتها.
.كام شمعه منى قدتها.
.كام ذكرى حلوه فرشتها.
.وحاجات بغيرتى حرقتها.
.وحاجات ماكنتش شفتها.
.فى البعد لما راجعتها.
.فضلت تسلسل بعضها.
.الحلوه جنبك عشتها.
.والمره عنك حوشتها.
.ذكرياتنا لوحدها.
.عماله تسحب بعضها.
.حتى اللى كنت حذفتها.
.دلوقتى جايه ف وقتها.
.واللى فى بعادك خدتها.
.دلوقتى نفسى احطها.
.الحلوه جنب اختها.
.والصعبه برضه حضنتها.
.كل الحاجات دى كلها.
.عشان مابينا باحبها.
.والناس بتحسب بالسنين.
.وانا عمرى جنبك ثانيتين.
.والباقى كله فى انتظارك.
.آهات ..آنين.
.بموت حنين.
.ياابو قلب مات.
.انا حسبهالك بالثوانى والدقايق والساعات

موضوع: رد: ...حسبهالك... 27/04/09, 12:01 pm

جميل جدا يا صابر
دمت متميز

موضوع: رد: ...حسبهالك... 29/04/09, 01:15 am

مشاعر ولا اروع وكلمات جميلة جدا جدا جدا جدا جدا
تسلم الايادى يا صابر وبجد متألق جدا ورائع كعهدى بك دائما

موضوع: رد: ...حسبهالك... 29/04/09, 04:21 pm

شكرا على مرورك دريم

موضوع: رد: ...حسبهالك... 29/04/09, 04:36 pm

شكرا على مرورك نور