..البعاد..

موضوع: ..البعاد.. 30/04/09, 02:52 pm

اصعب الم مش م آلاهات
كتر العذاب مش م السهاد
طعم المرار مش م العياط.
.كل الدموع دى م البعاد
ولا أى شىء بيهدنى الا البعاد.
.ولا أى صعب يهزنى.
.ولا حاجه يوم بتشدنى
زى المرض وتشلنى.
.الا المسافه والبلاد
ابكى على العمر اللى فات.
.ولا اشكره ع الذكريات
على وحدتى وطول السكات
وقعدتى زى الجماد
اكلم نفسى الساعات.
.مافيش قدامى حد اعاتبه.
.ولا زمن اقدر احاسبه
ولا حد اشكيله اللى حسه.
.يكون تاعبنى ولا تاعبه.
.حتى الامل بطلت أحبه.
.بطلت احسب ف السنين.
.ح احسبها ليه واحسب لمين.
.كل الليالى قريبين
فى الشكل واللون والحنين.
.الغربه مابترحمش عين
كل العيون هنا سهرانين.
.البعد كله عذاب وويل.
.وفراق ومر وهد حيل.
.انا ظلمت واتظلمت.
.بس والله اتحرمت.
.صعب اصرخ جوه نفسى.
.وأحكى ولا أسمعش حسى.
.صعب اكون فى العالم وحدى.
.و الناس عايشه وفوقى تعدى

موضوع: رد: ..البعاد.. 02/05/09, 11:27 pm

استمتعت بكل كلمه خطها قلمك المبدع

احساس مرهف وشفافيه في الكتابة

لك مني كل تقدير واحترام لا حرمنا من تألقك الدائم

موضوع: رد: ..البعاد.. 03/05/09, 09:58 am

شكرا لمرورك ونورتى االصفحه سنؤه