نكتتين وبس.....

موضوع: نكتتين وبس..... 27/07/08, 05:50 pm

في واحد دلوع اوي, دخلوه اهله الجيش , سأله القائد : تعمل ايه لو قابلت العدو ... قال : ارمي السلاح في وشه و اقولوا اكرهك اكرهك اكرهك

واحد بخيل راح للفكهاني .. قال له شوف لنا حاجه ناخدها معانا لواحد عيان ، الفكهاني قال له عندك مانجه أهه بعشرين جنيه الكيلو ، قال له لا ياراجل أصله مش عيان قوي كده.

واحد عنده مزرعة دواجن واشترى مجموعة كتاكيت وكان وسطهم كتكوت شرس جدآ ماكانش راحم الفراخ او الديوك كان مطلع عينهم ، فالراجل زهق منه ورماه فى الصحراء ، وبعد كام يوم راح الصحراء فلقى الكتكوت مرمى على الأرض وشاف نسر نازل من فوق على الكتكوت ، صعب علية الكتكوت فضرب النسر بالنار... جرى علية الكتكوت وهو بيزعق وقالة "يخرب بيتك بوظت لى الكمين".

مرة اسامه بن لادن دخل على الملا عمر ورافع اشارة النصر (اصبعين) 00 سأله الملا عمر هل انتصرنا ؟؟؟ رد عليه لا 00 مش باقي غيرنا احنا الاثنين بس

بلدياتنا سافر امريكا واصحابه نصحوه ياخد معاه 3 زلع مش علشان الاكل الامريكانى
مش حلال بس نبهوه يسمى قبل ما ياكل احسن الشيطان ياكل معاه.اول شهر اكل اول
زلعة بس نسى يسمى، تانى شهر برضه نسى يسمى، ثالث شهر طلع له الشيطان قال
له:"ابوس ايدك سمى، صدرى ولع

مرة واحد سعودي لقى مصباح علاء الدين دعكه طلعله الجني قاله شبيك لبيك تطلب
ايه: قاله: طلعلي كل المصريين من السعوديه فالجني قاله: ليه بس يا عم احنا
عملنالك حاجه

قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى
فارسلت لهم الاوقاف شيخا آخر وحذرته من الاطالة.
وصل الامام الجديد فدخل المسجد وصعد المنبر وحيّا المصلين وسأل:
اتعرفون قصة سيدنا يوسف عليه السلام؟
فرد المصلون كلهم: نعم .
فنظر الامام الى المؤذن وقال: اقم الصلاة.
ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟
فرد المصلون : نعم.
فقال لهم : ماتجوش الجمعة الجايـــة

فى يوم المراة العالمى اجتمع 3 ستات واحدة امريكية والتانية فرنسية والتالتة صعيدية , قالوا لازم نحبب رجالتنا فينا ونعرفهم قيمتنا فاتفقوا محدش فيهم هيقوم بواجبات البيت لمدة اسبوع ويتقابلوا بعدها يعرفوا النتيجة .

بعد اسبوع ..........
الامريكية : اضربت عن شغل البيت ومشفتش حاجة اول يومين لكن بعد كدة جة صالحنى واتاسفلى .
الفرنسية : اضربت عن شغل البيت ومشفتش حاجة اول يومين لكن بعد كدة جة وجابلى ورد وقالى انا هاعمل كل حاجة .
الصعيدية : اضربت عن شغل البيت ومشفتش حاجة اول يومين لكن بعد كدة ابتديت اشوف بعينى اليمين شوية بشوية

موضوع: رد: نكتتين وبس..... 27/07/08, 06:44 pm

أيه الجمال ده يا قمر

نكت جميله قوي وتموت من الضحك

أنا بقي هأقولكم شوية نكت بس يارب تعجبكم

أنتظرووووووا

ده أول مشاركه لي علي المنتدي

وأنا مبسوطه قوي إني معاكم خصوصا علي أحلام بنوته

وبجد المنتدي جميل قوي تسلم ايديكي يا أجمل وأرق بنوته

موضوع: رد: نكتتين وبس..... 27/07/08, 07:04 pm

طبعا ميرسى جدا على كلامك الرقيق
وأحلام بنوتة منور بوجودك فيه
وده بجد احلى كلام سمعته من يوم ما ربنا اكرمنى وعملت المنتدى
الف شكر على وجودك بيننا اللى فعلا اسعدنا جدا
واحنا فى انتظار مشاركاتك
واكثر ما اسعدنى انك شرقاوية زي حالاتى
نورتى يا يمامة

زائر

بسم الله الرحمن الرحيم
*******

هو أنتى عماله تبعزقى فى النكت...موش
تسدى أللى عليكى الأول....
خدى دى...
سفرجى من السودانيين بتوع زمان شغال فى أوتيل
كبير قوى...مات
قام وقف قدام الجثه كبير السوفرجية وهو حزين جدا
وقاله...
شوف يا عثمان...هيجيلك فوق أتنين ملايكة
يحاسبوك...أن ما عجبكش الحساب
هات الفوطه وتعالى...

:D

موضوع: رد: نكتتين وبس..... 28/07/08, 07:20 pm

هههههههههههههههنكت حلوة قوى قوى قوى وانا هجيب لكم شوية نكت تموت من الضحك ترقبوووووووووووووووا :D I love you

موضوع: رد: نكتتين وبس..... 28/07/08, 11:40 pm

واحنا فى انتظاركم على احر من الجمر يا سمسم انتى واليمامة الراحلة

موضوع: رد: نكتتين وبس..... 29/07/08, 04:10 pm

كلام جميل ونكت تموت من الضحك وتدل على روح الفكاهه عند المديره ودا شى نادر تجده عند المديرين اللى دايما بيكونوا متنشيين بالنشا بس الشهاده لله المديره بتاعتنا دى طيبه خالص ودايما تدور على رسم الضحكه على شفاه الاعضاء ومع كل احترامى وتقديرى ومطالبتى بمزيد من الفكاهه لانى بحبها اوى الا انى ليه تحفظ واحد على نكتت السعودى والمصباح وبصراحه ياجماعه احنا هنا نعمل فى بعض زى مااحنا عايزين احنا مصريين زى بعض لكن لابد من حفظ ماء الوجه لان العرب مش بيعاملونا بنفس الحب اللى احنا بنعاملهم بيه طيبتنا وحنيتنا دى مش موجوده عندهم
واسف مره تانيه بس والله النكت جميله

زائر

هههههههههههه ...نكت ظريفه قوى ..تسلم أيدك

:D

موضوع: رد: نكتتين وبس..... 30/07/08, 08:46 am

kokowawa313
ميرسى على مرورك وردك وماتغيبيش علينا تانى
فى انتظار مشاركاتك معانا