...لعبتك...

موضوع: ...لعبتك... 24/05/09, 09:47 am

لسه فاكرنى لعبتك.
.حاجه تسلى وحدتك.
.وانا كنت فاكر نفسى غالى وحاجه حلوه فى دنيتك.
.فكرت انى روحك انت
زى مامنتنى انت.
.مش أدوب وأعشق وأحبك وأنت خالى زى ماانت
قلت فرحه تحس بيها.
.روح تحبك تشتريها.
.مش محبه بين صحابك تحكى وبتتباها بيها.
.انا شىء فى حياتك ولا.
.كدبه وبتحب تقولها.
.لعبه وعاجبك منظرها.
.تزهق منها تكسرها
روح شفافه و حبتك.
.ليه فاكرنى لعبتك.

.انا حبى محلى حياتك ومخليك تستحملها.
.مفروض يسعد اوقاتك وحياتى اللى بتهملها.
.مش لعبه فى يوم تختارها.
.علشان عاجبك منظرها.
.تفضل متشعلق بيها.
.واما تمل بترميها.
.وتسيبها تلاقى مصيرها وانت تدور على غيرها.
.روح شفافه وحبتك.
.ليه فاكرنى لعبتك.

.انا حقيقه مش امانى بالوهم عملتها.
.انا مش ظنون ح تمر سهله لما رحت وسبتها.
.انا الخيال فى فكرك
والوحى اللى ف ضميرك
وحلم مهما تهرب.
.فى كل منام يجيلك.
.مش فكره الوهم عملها.
.ولا قصه خيال سطرها.
.مش لعبه فى يوم تختارها.
.مذهول مبهور بجمالها
واما بقيت تشبع منها.
.تبعد عنها وتهملها
انا روح احساس وشعور مش حاجه حد عاملها
انا قلب ومش معقول..لعبه انت بتتأملها.
.شىء فى حياتك ولا .
.كدبه تحب تقولها.
.واما بتزهق منها تجرى وتبعد عنها.
.روح شفافه وحبتك.
.ليه فاكرنى لعبتك

موضوع: رد: ...لعبتك... 26/05/09, 09:18 pm

ايه الجمالية والروعة في تنسيق الكلمات العذبة
ولا تزعل روحك اكيد مش عارفين قيمتك
دمت متألقا كالعادة

موضوع: رد: ...لعبتك... 31/05/09, 11:33 am

ميرسى على مرورك سنؤه وعلى مواساتك اشكرك جداا