..أخرك كده..

موضوع: ..أخرك كده.. 05/07/09, 10:32 am

آخرك كده..
أنت أنتهيت بالشكل ده..
عملت ليه ف روحك كده..
خدت ايه م الهجر ده..
مدام اول يكون أخر..
ومهما يطول له أخر..
وليه تهجر وليه تسافر..
أديك عملت لك آخر..
آخر هواك..
آخر لقاك..
آخر كلام يتقال معاك..
آخر طريق عليه خطاك..
آخر آسى وحيره وراك..
كل الالام مستنياك..
آخر هناك..
خليك هناك..
خلاص قفلنا الباب وراك..
أنت أنتهيت..
لما أبتديت..
ورضيت تبيع يوم ماأشتريت..
صنت وداريت..
وفرشتلك جنه وياريت..
أنت بقيت..
ياريت ماشفتك..
ولا عشقتك..
ياريت نسيت..
ولا حبيت..
روح عند غيرى يقدرك..
يمكن فى حد يتمنك..
ويحط سعر يكبرك..
يريحك ويطمنك..
أكتر ماقلبى دق لك..
أعرض هواك ع المشتاقين..
أنزل فى سوق المغرمين..
شوف تسوى كام وعند مين..
آخرك هناك يادوب يومين..
مين يحرسك غيرى مين..
شوف حد يستاهلك..
خلاص هنا آخرك..
كان بابى مفتوحلك..
أديته ليه ظهرك..
آخرك كده..
عملت ليه فى روحك كده