عايزه أسمعك

موضوع: عايزه أسمعك 21/07/09, 08:20 pm

عايزه اسمعك..
من قد ايه صوتك بعيد..
وحيده وبتعشق وحيد..
حسك وحشنى..
صوتك واحشنى
والبعد حاشنى..
وانت حايشنى..
آجى أشوفك لو من بعيد..

عايزه أسمعك ح تقوللى أيه..
أسمع كلام وأحس بيه..
مشتاقه نظره..
أو أى كلمه..
محتاجه لمسه..
لأنى حاسه..
قلبى تعب والشوق ماليه..

عايزه أسمعك ومغمضه..
صدق أنا برتاح كده ..
بسيب عينيه وأحسك بس..
صوتك بيدى اجمل حس..
اجمل حاجه انى أشوف بيك..
قفله عينيه وأشوف بعينيك..
نفسى تجرب احساس صوتك..
لما ياخدنى جوه وجودك..
نفسى تحس بيعمل ايه..
لما بقلبى بسمع فيه..
بتفتح شرايينى فى جسمى..
لما شفايفك بتقول أسمى..
انا من نبرة صوتك بس..
كل مافيه بحسه اتهز..
دا غير الهمس..
وغير اللمس..
كل حواسى بيك بتحس..
عايزه أسمعك..
نفسى أسمعك..
يمكن دموعى ترجعك..
أو حتى يمكن أصدقك..
انك عايزنى أسمعك