..الخصام..

موضوع: ..الخصام.. 01/08/09, 02:29 pm

انت اسهل حاجه عندك الخصام.
.انت أسرع كلمه منك طب سلام..
أنت أكبر من مشاعرك..
أنت متحكم ف طبعك..
أنت تقدر ع اللى تاعبك.
بس أنا قصتى
وشكوتى
وكل حاجه ف دنيتى
انى بحبك..
أنت قادرتعمل اللى يفيد ظروفك..
تحب مين..
تصد مين..
بهواك وكيفك..
بس أنا
كل منايا تسيبنى أشوفك..
أنت عندك أختيار بين لاء وآه..
تعرف اللى تسيبه يتعب
واللى ترضى تعيش معاه..
بس أنا متعة حياتى
لما بقول من حبك آه..
أنت مابتفرقش عندك انى أحبك ولا اسيبك..
دا أنت حتى ساعات بعندك
مش عايزنى أكون حبيبك..
عايزه بس أقول حرام..
نص عمرى يضيع خصام..
عايزه اقولك ان قربك أحلى حاجه ف الغرام..
عايزه أقول كلمه بحبك
أحلى كلمه ف الكلام..
كل حرف يقول حبيبى
يعيش ف قلبى ع الدوام..
يبقى ليه يكون سهل عندك
ثانيه واحده ف الخصام..
أعمل ايه يرضيك عليه..
يحننك وتحس بيه..
ينسى قلبك الاسيه..
وتبعد الخصام شويه.
.قوللى أنا محتاره فيك.
علم فيه ازاى ارضيك
.قوللى أنا صعبان عليه..
يجرى العمر بيك وبيه..
وقصتى
وشكوتى
وكل حاجه فى دنيتى.
.انى بحبك