..آه ح أسيبك..

آه ح أسيبك..
كل ليله بقول ح أسيبك..
كل ليله بقول خلاص..
مش حبيبك..
ح أبقى حد غير حبيبك..
أى واحد وسط الناس..
وأسهر أفكر ح أعمل أيه..
أما ح أشوفك أقولك أيه..
أدارى منك..
أحوش نفسى عنك..
ولا أواجهك وأعتذرلك انى مش ح أقدرأكمل..
وأما أشوفك..
أول ماأشوفك..
كل عذاب ومرار يتحول..
وأرجع تانى زى الاول..
عاشق مغرم جرحه مطول..
وأنسى أنا كنت ناويلك أيه..
واللى أنا كنت بفكر فيه..
وأرجع قلب لوحدك فيه..
وأرجع حب كبرت عليه..
وحبيب أنت بتحكم فيه..
كل ليله أقول ح أسيبك..
بنسى نفسى وأكون حبيبك..

أنت السر اللى معذبنى..
والهوى اللى جماله غالبنى..
وأنت حبيبى اللى بيتعبنى..
واللى لايمكن أقولك سيبنى..
كل مافيه يقول دا حاببنى..
وأنت الحب اللى مغلبنى..
أنت جارحنى ومشيبنى..
وغريبه انك لسه عاجبنى..
مهما عمايلك بتدوبنى..
لا بسيبك ولا راضى تسيبنى..
هوه داقدرى ..
هوه دا حضنى..
ضمك أوى وكأنك أبنى..
ولا فيش حاجه فى يوم ح تاخدنى..
الا ان كنت أنت تموتنى..
أوعى بقى أنت.. فى يوم تبعدنى