أبقى واحده حبتك

موضوع: أبقى واحده حبتك 10/10/09, 12:00 pm

ماقلتلكش ف مره لاء ويوم خالفتك..
بديك فى نفسى ألف حق عشان عرفتك..
خليت هواك هوه الحياه من يوم ماشفتك..
وعشان رضاك متمنياه وبستنى ريحتك..
حتى الكلام بسرح معاه وبجيب فى سيرتك..
ولا قولت مره لاء وآه الا بمشورتك..
ولا عمر حد جريت وراه غيرك لوحدك..
عرفنى ايه تبقى الحياه والدنيا بعدك..
ورينى مين أرتاح معاه لو مش بحبك..

كام م البشر عرض هواه وأخترت قلبك..
بديك الحق تقول وتلوم..
وبسامح حتى وأنا المظلوم..
سيبالك نفسى بشوق محروم..
وبعود نفسى على المقسوم..
وبيبقى ف نفسى وأعدى اليوم..
وأتحمل يأسى وبعد النوم..

وأتعب علشان ماتشيلش هموم..
دايما رضاك فوق كل شىء..
راحتك بدايه كل شىء..
وأبقى الحبيبه والصديق..
ترمى عليه كل ضيق..
لو حتى مشغوله حياتى..
انت..ومن بعدك حاجاتى..
بعيش عشانك قبل نفسى..
وأوهب عشانك كل نفسى..
أنا فى حنانك بلقى نفسى..
وأعيش ف جنه بعد نار..
وأقبل أكون ورا الستار..
عشان بعيش حياتى منك..
أولها بيك وأخرها عندك..
لا قلت لاء ولا يوم خالفتك..
عجبنى دا لما عرفتك..
عودت نفسى أكون بتاعتك..
مهما أكون بتعب فى بعدك..
أمشى بطريقتك..
عشان عشقتك..
وأكون حبيبه تعجبك..
وشعور وطبع يجذبك
تلاقى فيه كل المزايا
وتحب أوقاتك معايا
ماتشوفش غيرى..
عشان ضميرى..
قاللى لو مش ح أسعدك..
يكفينى أحس محبتك..
أبقى واحده حبتك

» روحنا واحده
» ..اغلى واحده..
» تحميل فيلم على واحده ونص
» مره واحده..بقلمى(صابر)
» شوف واحده تنسيك..بقلمى(صابر)