أنا مش ملك حد

موضوع: أنا مش ملك حد 31/10/09, 08:05 pm

انا مش ملك حد..ولا بقبلش الوصايه..
لو ح تصمم بجد..يبقى ح تتعب معايا..
فيه حس وشعور..
يمكن اكون غيور..
بس بصارح وأقول..
صدقنى دا مش غرور..
ولا أحب اتحدى حد..

وأنا مش مستنى رد..
لو ح تصمم بجد..
يبقى ح تتعب معايا..
وتلف الكون ورايا..
وترجع خالى اليد..
أنا مش ملك حد..

طير فى الكون يرفرف..
نسمه صيف تهفف..
عشرى لما أولف ولا ارتاح لحد..
وحنين حنان..
مانسيتهوش عشان..
طبع فيه جد..

تخسر فى التحدى..
دا لأنك مش قدى..
تلاقى السكه سد..
أنا مش ملك حد..

خدنى بطبعى تكسب..
تتشرط ح تغلب..
تتحدانى تتعب..
أنا فى العند صعب..

عندى حلول كتيره..
والايام طويله..
خلص كل حيله..
أنا مش ملك حد