تؤمرى ولا تندهيش ...فى حب مصر

تؤمرى ولا تندهيش..
كل شعبك يبقى جيش..
احنا اكتر شعب راضى لو على ترابك نعيش..
احنا اكتر شعب طيب بالغلط مابنبتديش..
احنا اطول شعب باقى مؤمنين مابننتهيش..
احنا اول ناس تسامح..
مش بنأذى ف المصالح..
أى حد يهين كرامتك صعب جدا لو يعيش..
اللى فاكرين ان صمتك جبن دول ناس ماتساويش..
آه ولادك طيبين..
بس لاء مش مكسورين..
أى موقف لو مهين..
يبقوا نار وجبارين..
من هدوء الطبع فينا..
فكروا دا خوف مالينا..
الغباء خلى ناس طمعوا فينا..
الشعب دا جذور تاريخه الوف سنين..
الشعب دا اصله وحضارته فى كل دين..
الشعب دا اهل السماحه الطيبين..
ناس حامده شاكره مؤمنه..
سايبه ضميرها لربنا

الله عليك وعلى روعة كلماتك الرائعة والله انا اتخطفت لما قريت الكلمات
بجد احنا فعلا كده كل المصريين كده
تسلم الايادى يا فنان المنتدى وبجد والله من اروع ماقرأت فى حب مصر

اشكر مرورك وتشجيعك دريم مهما قلنا مش ح ندى بلدنا اى لمحه من عطاياها الكتيره اسعدنى تشريفك صفحتى