..قويه بيك..

موضوع: ..قويه بيك.. 10/02/10, 09:36 pm

ماسألتنيش أنا ليه بحبك..
مع أى شىء بستنى جنبك..
كل الحزن ماجرحنيش..
وأزاى قادره أحب وأعيش..
ماسألتنيش عن قوتى..
عن قدرتى ع الاحتمال..
وأنا كل يوم بصحى وبقوم أقول لروحى نفس السؤال..
بحط خوفى كلو فيك
وأخد شجاعتى من عينيك
عشان كده لو يوم ح تسأل أنا ليه بحبك..
ح أقول عشان قويه بيك

أحساس وجودك شىء مهم..
ووجودى جنبك دا الاهم..
أى نار أى فكر أى هم..مش مهم..
اتعودت أحسك..
زى الطفل وحضن الام..
وبقيت عارفه كل فصولك..
شتا أو صيف..وربيع وخريف..
كل العمر اللى انا عشتولك..خلانى اتعرفت عليك..
علشان كده لو يوم تسالنى انا ليه بحبك..
ح اقول عشان قويه بيك..

صبرى عليك علمنى الصبر..
شوقى اليك حلالى المر..
ولا فيش لحظه ف عمرى تمر..
غير وانا جنبك قبل الكل..
وبكلك ومافيك عاشقاك..
ولا فيه دنيا الا معاك..
ولا حدش يستاهل حبى..
ولا يتجرأ يشغل قلبى..
ويكون جنبى الا عينيك..
علشان كده لو يوم ح تسأل أنا ليه بحبك..
ح اقول عشان قويه بيك

موضوع: رد: ..قويه بيك.. 10/02/10, 11:12 pm

مرسيى على الموضوع

موضوع: رد: ..قويه بيك.. 10/02/10, 11:33 pm

طيب انا راضيه ضميرك ينفع حد يقرا الكلمات الرائعة دى ومايردش ولا ينحنى احتراما لموهبتك المتميزة
؟؟؟؟؟؟؟؟؟؟؟؟؟؟؟
ماشاء الله عليك ربنا يديم عليك ابداعك وروعة تعبيراتك الراقيه

موضوع: رد: ..قويه بيك.. 11/02/10, 03:47 pm

اشكر مرورك ندى نورتينى

موضوع: رد: ..قويه بيك.. 11/02/10, 03:48 pm

وانا راضى ضميرك ينفع حد يحرج حد كده ويخليه مش لاقى كلام يرد بيه على اديبه زيك ؟