أنا كلى ملكك

موضوع: أنا كلى ملكك 11/02/10, 03:51 pm

اهداء الى حبيبتى بمناسبه عيد الحب
ياريت بالحب اقدر..
اوصف ولا أصور..
دامافيش كلام يعبر..
او حاجه يوم ح تقدر..
برضه احساسى اكتر..
والحب فيا اكبر
من اى حروف كلام
وبقول اكبر حرام
مايكونش فيه كلام..
أغلى من حبيبى
ويعبر عن لهيبى
جبت الحروف.. علشان اشوف.. كلام يقولك قد ايه..
وكلها.. رتبتها ..مالقيتش وصف أحس بيه
كل المعانى قُليله..
جنب اللى فيا صغيره..
وجوه روحى ليك شعور..
رضا وهنا وعطف وقبول..
مش ممكن اكدب لما أقول
حياتى فيك..
وتاريخ ميلادى بين ايديك..
يعنى اتولدت قصاد عينيك..

وبحب فيك قد السما..
قد السحاب قد المطر قد البشر..
وروحى عاشقه ومغرمه..
قد الرمال قد الجبال قد الشجر..
حب قد الكون بحاله
بس حس أنت بجماله
حتلاقيه..
أحلى م اللى بقول عليه..

تعبت ادور ف الكلام..
عن وصف تانى للغرام..
مالقيتش اغلى الا بوسه جوه كفك..
أحط فيها كل شوقى وكل وصفك..
عند الحبايب ليها معنى أنا كلى ملكك

موضوع: رد: أنا كلى ملكك 11/02/10, 04:29 pm

يابختها بكل الحب ده ربنا يهنيك بيها ويهنيها بيك ومايحرمكوش من بعض ابدا
كلمات رقيقة من قلب ارق واروع ملىء بالحب لكل من حوله

موضوع: رد: أنا كلى ملكك 11/02/10, 09:40 pm

مرسيى جداااا ياااااااااصابر على مشاعرك الجميلة بجد والله كل ماقرأ كلامك احس ان الدنيا لسة فيها حب وحنان

موضوع: رد: أنا كلى ملكك 13/02/10, 02:24 pm

اشكر مرورك دريم نورتى

موضوع: رد: أنا كلى ملكك 13/02/10, 02:25 pm

طبعا ندى فيها حب وحنان طالما فيها بنات قمرات