انا ماأستاهلش

موضوع: انا ماأستاهلش 07/04/10, 05:59 pm

انا ماستاهلش تبيع هوايا بالتراب..
وتكون سطور حبك نهايه بالعذاب..
مش ذنبى أحبك وأنت فاتح الف باب..
مش ذنبى أعشق والهوى عندك سراب..

انا ماستاهلش كل ليله الناس تنام..
وعينيه صاحيه للدموع وللالام..
انا كل حته فيا بتقولك حرام..
غدرك ماسبش فيه حاجه والسلام..

كتير اوى القسوه دى على قلب حبك..
كتير اوى طب تعمل ايه لو حد تاعبك..
كتير عليه قسوتك من بعد حبك..
دامكنش ليه غيرك انت وحضن قلبك..
وكان منايا ترضى بس تسيبنى جنبك..
انا مااستاهلش بعد حبى يجينى غدرك..

ليه لما حبيتك ماقلتش ياانانى..
انك ماسلمتش ومش ح ترضى تكون عشانى..
ليه خدت قلبى واحلى مافى سنين زمانى..
ليه وانت عندك م الاحبه حد تانى..

انا ماستاهلش اكون ضحية حبى ليك..
ولا اسيب عواطفى تبقى لعبه بين ايديك..
انا كل حاجه حلوه فيه خساره فيك..
وبكل جرح حز فيه دعيت عليك..
تعيش ف ليله من ليالى همى بيك..
ويجينى قلب حد خالى مالوش شريك