قول قرارك..

موضوع: قول قرارك.. 19/04/10, 06:39 pm

لما تهد ماتتعصبش..
وأنت ف غضبك ماتكسرش..
سيب للصلح مكان يجمعنا متبدلش وماتغيرش
مابتعرفش خصام الحب..
كل خصامك قسوة قلب..
قلبك حجر مليان سواد..
كل اللى فيه هجر وبعاد..
مابيعرفش يفرق ابدا بين حنيه وبين عناد..

آه من مرارة حلاوتك..
آه من حلاوة مرارك..
كأنى خنت وقتلك..
مش كل يوم عايشه نارك..
لا قادره أبيعك وأسيبك..
ولا قادره أغير قرارك..

أنا وأنت طيبين..
جانا الالم منين..

سألت نفسى كتير غلبت..
من قسوتك..منك..تعبت..
لو كان دا ذنب..سامحنى توبت..
لو عند قلب..خلاص تعبت..
مش محتاجلى خلاص ماتقولها..
وماتقلقش.. بستنظرها..
ساعتها أبيعك وأسيبك..
ومش ح أغير قرارك..

يمكن أكون غلطانه جاوبنى..
أنا فهمتك اللى تاعبنى..
بايع ونسيت اللى مابينا..
أو حتقول لساك حاببنى..

سيبتك وحدك تسأل قلبك..
طبعا قالك انى بحبك..
يلا بقا لو راجع أرجع..
ماتخليش الايام توسع..
كل يوم ف أنتظارك..
قول قرارك