..ماتوجعنيش

موضوع: ..ماتوجعنيش 02/05/10, 05:48 pm

ماتوجعنيش..

ماتوجعنيش بتهديدك تسيبنى..
ماتوجعنيش وترجع تانى تقول حاببنى..
الحب مش آه..
مش آلم..
مش أعشقك وتكون تاعبنى..

عملت ايه غير انى حبيتك..
عملت ايه يحتاج لتهديك..
عملت ايه أنا كلى بين ايدك..

وأنت عارف انى مااتحملش قسوه..
وحرام عليك تبعدنى بالقوه..
أنت حبيبى..وروحى من جوه..
ماتوجعنيش..
القسوه مش حلوه..

كان ليا فيك جرالك ايه..
من امتى مش أنت ..
قصدك تعاقب فيا ليه..
غدرت من امتى..
ولا عقلك بيهيألك ..حب يعنى آنين..
فكرك غدرك أو طول هجرك.. هيوصلنا لفين..
ولا مستكتر عليه أعيش وياك يومين..
ولا م الحب اللى فيه مش عايزنى اعيش..
ماتوجعنيش..

لو مش راضى تكمل قول..
أرحم مايقولهالى عزول..
قولها ف ودنى..
وأنت ف حضنى..
زى ماشوقك كان عودنى
لما تاخدنى..
وتروضنى..
بالهمس اللى كتير موتنى..
واللمس اللى بناره سعدنى..
لو ح تفوتنى..مش محتاج يعنى تهددنى..
أبعد عنى وأنت حاببنى..
ماتجرحشى لما تسيبنى..
ماتوجعنيش..
ممكن أعيش

موضوع: رد: ..ماتوجعنيش 10/05/10, 04:00 pm

ايه بس الجمال ده
ربنا يحرسك وتمتعنا
بكلامك الجميل
تسلم الايادى