بلاش تبعت تفكرنى

موضوع: بلاش تبعت تفكرنى 05/05/10, 12:35 pm

بلاش تبعت تفكرنى..
وجود طيفك بيقتلنى
وكل مابينا حواليه
نار مسكاها بايديه.
.ماريحنيش الم بعدك..
ما شفتش فرحه من بعدك
سيبنى ارتاح من حبك ..منك..
من ايام قضيتها فى حضنك
خدتها منى وروحت هاملنى ومزعلنى
سيبنى ارتاح من جرحك يمكن اسامحك
واتعرف على نفسى الضايعه ببعدك عنى
كل ماابص فى حته بشوفك
اسمك حاجتك صورتك طيفك
كل اختياراتك قدامى
وحروف كلماتك فى ودانى
صوتك وانت بتتحدانى
همسك وانت بتترجانى
مسكه ايدك ليا فى غضبك
كل ردودك لما بعاتبك
نظراتك ليه بحنيه
وعنيك لما تأنب فيه
دقت قلبك وانت لامسنى
نبرة صوتك وانت عايزنى
وحنانك لما تونسنى
حتى آما بتعند تعاكسنى
محفور فيا تاريخ وروايه
مش محتاج تبعتلى..كفايه
انت عليك تساعدنى انساك
مش تبعتلى الماضى معاك
ادفن فيه..بتصحيه
اغطى عليه..بتعريه
اسكت فيه..بتقويه
وتخليه مشتتلى حياتى
قصدك ايه بتفكيرى يوماتى
انا مانسيتش
لو حنساك يعنى ماحبتش..