..ماتضمنيش

موضوع: ..ماتضمنيش 14/05/10, 08:58 am

ماتضمنيش..
أدافع عن وجودى ازاى..
ادافع عن حياتى ازاى..
وايه اختار يطفى النار يريحنى..
واسيبك لما تدبحنى..
ماتضمنيش..
ضعيفه بس بين صدرك..
وبستسلم وانا ف حضنك..
ورقه ورد بين يدك..
لكن صعبه أوى ف بعدك..
بمووت لما تضيع منى..
واتوه لما بتألمنى..
لو اقرب حد كلمنى..
ماتضمنيش..
عشان يأسه و من غيرك..
ومش عايشه فى تفكيرك..
ودا بيعمل فى قلبى شروخ..
وبيخلينى دايبه وادوخ..
خيال عايش على الذكرى..
ونفسى واسمى مش فاكره..
ماتضمنيش..
ومين يضمن فى طير مدبوح..
وبيرفرف حلاوه روح..
وصياده ملاه بجروح..
وفين يسقط وفين حيروح..
ماتضمنيش..
ح أحاول أعيش..
ومااعرفش ح اضحى بايه..
وايه ممكن اخطى عليه..
ومين اقدر افوق وارميه..
وأيه ممكن افكر فيه..
ماتضمنيش