ومش فارقه..

موضوع: ومش فارقه.. 05/06/10, 05:45 am

مش فارقه..
أكون عاشقه ومحرومه..
حبيبه ولا مظلومه..
بعيش جنبك وأنا مفارقه..
مدام عندك ماهيش فارقه..
لا بيهمك أكون رايقه..
ولو هتشوفنى مضايقه..
ماليش عندك ولا تأثير..
بتسمع م الكلام ده كتير..
تسيبنى بنارى مش فايقه..
ومضايقه..وبختى قليل..
ومش فارقه..ومن دا كتير

أنا سيبتك تبيع فيه..وكان حبك دا امنيه..
لقيتنى وفاء وتضحيه..وقلب وحيد مالوش ديه..
شفتك بالنسبالى أمير..
هيضمنى بالحب وأطير..
طوّل بيه الحلم كتير..
وصحيت منه بوهم كبير..
أنا مظلومه وبختى قليل..
ومش فارقه..ومن دا كتير

كنت اسمع حكايات اصحابى..
أضحك وادّارى ورا كتابى..
واللى سمعته..ابدا مش قدك ياعذابى..
خفت أحب عشان ماندمش..
جانى هواك قاسى ومرحمش..
قرب منى..أتمسكن وأتقرب منى..
يوم يحايلنى ويوم يشاغلنى..
سهانى واتمكن منى..
دلوقتى من القرب حارمنى..
خد قلبى وبيبعد عنى..
وسابنى بجرح مالوهش علاج..
دا اللى يحب يكون محتاج..
وأنا كان بختى بياع كبير..
وماليش عنده ولا تأثير..
أنا مظلومه وبختى قليل..
ومش فارقه..ومن دا كتير