حتلاقينى بفكرك

موضوع: حتلاقينى بفكرك 17/06/10, 03:18 pm

لك عليه كل مده أفكرك..لما تنسانى ح أعاتبك..وتلاقينى بسألك..
عن هوايا جوه قلبك..نص عمرى ضاع ف حبك..حتى لو ح يزعلك..
انى أسأل ع اللى عندك..حتى لو ح يفكرك..
لما حبيت أتعاهدنا..
يبقى حب للابد..

كل مده..لما تنسى..حتلاقيهم كلمتين..
يعنى حتى لو بتقسى اللى حيجيلك حنين..
يبقى مره دمعتين..
مره تانيه همستين..
أغلب الوقت تلاقيهم..للمحبه مشتاقين..
تعبوا من طول السنين..
أوعى تزعل..لما أسأل ع اللى عندك..
حتى لو ح يفكرك..
لما حبيت أتعاهدنا..
يبقى حب للابد..

لك عليه اوهب ومااستناش قصاده..
يعنى حبك لك لوحدك وف ميعاده..
زى زرع ف يوم حصاده..
مين بينسى تاريخ ميلاده..
اللى يحب مابيفرقشى يدى ف قربو او ف بعاده..
والمخلص يخلص لو حتى التانى لسه على عناده..
وأنت غرامك نار عايشه مش بستنى أجمع ف رماده..
جالى منك اهو وهبه..خدته ماقولتش لاء هاته..
راضى بالاحساس منك..حلو ومر..سيبه ياريته..
يفضل عايش اهو منك..أصل ماصدقت لقيته..
اللى يحبك يفضل فاكرك حتى ان كنت ماحبيته..
لك عليه كل مده حتلاقينى بفكرك

موضوع: رد: حتلاقينى بفكرك 17/06/10, 05:47 pm

حلوة اوووووووووووووووووى بجد يا صابر

موضوع: رد: حتلاقينى بفكرك 18/06/10, 02:53 pm

شاكر مرورك دريم نورتينى