أوعى تخللى لحبك آخر

موضوع: أوعى تخللى لحبك آخر 23/06/10, 07:15 am

خدت الحق بذنب الباطل..
وانا عن نفسى بقيت مش قادر..
كل ماأقول لبعادك آخر..
وأتقرب منك تتاخر..

ايه لسه من حبك فاضل..
يرضينى واتحمل صابر..
شايف كل عمايلك صعبه..
مغرور وبتعند وتكابر..

أنا أحساسى معاك خلصته..
مابقاش فاضل شىء من ريحته..
قلبك متعب وأنا ريحته..
وبينسى ..خليه على راحته..

مش ح اقبل على نفسى مذله..
لسه فى قلبك حبنا ولا..
ان كان هاجر وزمانو ولا..
بختى معاك.. ويعوض الله..

تعمل ليه م الوهم قضيه..
تتأثر وتزعل فيه..
وبتعمل غلطات مش هيه..
وبتألم ماتخفش عليه..

أنا أحساسى معاك هواه..
لا بيتغير ولا بنساه..
والقلب مكانك جواه..
أنت اللى محيرنى معاه..

وأعاتبك تعمل مش فاكر..
وبتسكت وأنا أكون مش قادر..
بس بطاوعك ..أيوه وحاضر..
الحب بيعملك خاطر..

أرجوك حاسب..من عواطفنا واى مشاكل..
وآما تعاتب..خد بالحق ومش بالباطل..
أنا حبيتك..
أوعى تخللى..لحبك آخر

» أوعى تنسى..بقلمى(صابر)