ماتسيبنيش..

موضوع: ماتسيبنيش.. 24/06/10, 05:20 pm

عشان خاطرى ماتوجعنيش..
وسيب اللى مابينا يعيش..
بخاف منك تروح ماتجيش..
وآمنلك..ماتدبحنيش..
معاك أنت وبس بعيش ..
ومن غيرك مايلزمنيش..

مافيش ف العمر غير حضنك..
مافيش ف القلب غير حبك..
مافيش ف الدنيا غير قلبك..
ومش راح أعيش بعيد عنك..

ماتبعدنيش..انا منك..
عشان خاطرى..ماتوجعنيش..
مافيش دنيا بعيد عنك..
مافيش فرحه..وعمر مافيش
ومش قادره..ماتسألنيش..
ومش فاكره..وليا مافيش..
ماليش غيرك..ماتبعدنيش..
عشان خاطرى..سيبنى أعيش..

ماتكسرشى بخاطر قلبى..
وتبعد وانت بتخبى..
صارحنى وقول وح أتحمل..
بعاتبك بس من غلبى..
أنا م الشوق ..وم الكتمان ..
بقيت بتمنى زى زمان..
وأصور جنه م الحرمان..
وأحلم بالهوى العطشان..
وأخاف لاتسيبنى للنسيان..
ودا بيتعبنى برضه كمان..
عشان خاطرى ماتوجعنيش..
بحلف فيك..ماتسيبنيش