..أنتهينا

موضوع: ..أنتهينا 07/07/10, 02:03 pm

زى ماخلتنى احلفلك بحبك..
وكنت بتحلفنى مااعرف حد بعدك..
وانت عارف قبل غيرك لو حلفت..
انت عشت كتير بقربى واظن شفت..
يعنى جواك وبضميرك..
عارف انى مش لغيرك..
كنت راضى اكون اسيرك..
وانسى كل شىء واجيلك..
بس بعد آخر كلام..
بقيت بفكر مش بنام..
دا اللى خدتو م الغرام ..

تتهمنى بحب غيرك..
جاى تلومنى عشان بجيلك..
طب ياظالم..فين دليلك..
انتهينا..لا انت ولا غيرك..

مش بتفرق بين الحب واى كلام..
لما بتغضب ليه بتلخبط ف الالوان..
وتسمعنى كلام ولا معنى ولا عنوان..
وتخلينى احس ان انت مش انسان..
واندم على احساس كان بينا واى حنان..
وأعرف انى غلطت بحبك
ولازم انسى بدون حلفان..
واتمنى ارجع قبل مااحبك
للحريه زى زمان..

كل يوم تخسر فى حبى..
كل يوم تكسر ف قلبى..
فين دليلك..
أنتهينا..
لاأنت ولا غيرك