وصيت عليه..

موضوع: وصيت عليه.. 24/07/10, 09:49 am

وصيت عليه..ماأعرفش أعيش..
حتى الدموع..
مابتجينيش..
ومن زمان..النوم مافيش..
أرجوك حرام..
ماتحبنيش..

خليت حياتى مبعتره..
كل الحاجات متغيره..
وليه تاخدنى لكل دا..وتسيبنى ليه ف الغلب دا..
بقيت معاك متحيره..
حاسه بحياتى قصيره..
لا قادره أسيب حبك وأعدى..
ولا قادره أكمل عمرى وحدى..
كل اللى احبو أخدته عندك..
حطيته جنب آساك وعندك..
ماسبتليش ولا حاجه منك..
ماسبتليش..
حتى الدموع نشفت كأنك..
وصيت عليه..ماأعرفش اعيش..

معقوله أشوف كل اللى فات..
قصاد عينيه ذكريات..
وكل يوم أصبح وأبات..
أندم على الحب اللى مات..
وديتلى فين كل الحاجات..
بدلتها.. وجبت الآهات..
مافهمتنيش..لااا فهمتنى..
ولا حد قدك حبى..
بس أنت ليه عذبتنى..
وليه تحب تهدنى..

فهمنى ليه طب سيبتنى..فهمنى ليه بتحبنى..
يمكن أكون أنا سبب مش الضحيه..
يمكن أكون أنا اللى قدمت الآسيه..
يمكن أكون عميت ومش شايفه بعينيه..
يمكن أنا اللى جبت دا كلو فيا..

حبنى..زى ماعودتنى..
حبنى أنا بعدى عنك هدنى..
ماتخلنيش..أكره عينيه..مدام ماتجيش..
وأقول عليك..وصيت عليه ماأعرفش أعيش..
.......
اذا اقتبست كلماتى ووضعتها بأى مكان أخر
فضع بجوارها أسمى لانى سوف اتعقبك

» ..رد عليه..
» ..عز عليه..
» ..حقك عليه..
» ولا تقلق عليه..
» ..أصبر عليه..