خليكى باعده

موضوع: خليكى باعده 31/07/10, 10:41 am

خليكى باعده..يمكن مواعده..
وف خيالك حد غيرى..

وتكونى شاهده..أنا للنهارده..
صاين ماكان بينك وبينى..

لكن لأمتى..يمشى الكلام دا..
أحترت فيكى وأحتار دليلى..

وكنت برضى..من كلمه واحده..
من غير ماكنتى تحلفيلى..

ورحتى باعده..وبقيت ف وحده..
مش عايزه حتى تكلمينى..

ليه تبقى جاحده..وكل ماأهدا..
تقسى عليه وتسيبينى..

وتكونى قاعده..مع أى واحده..
ولا ترضى حتى تريحينى..

وتمللى ساكته..وتمللى واخده..
موقف ومش ممكن تلينى..

أهديكى ورده..ألاقيكى بارده..
ولا راضيه حتى تكتبيلى..

فاكره بصمتى..ح أسيب كرامتى..
تبيعى فيا وتشترينى..

وان كنت باقى..عشان بلاقى..
حبه هوا منك باقيلى..

لكن لأمتى..يمشى الكلام دا..
فكرى وأبقى اشرحيلى..

آخر مافيها..ح تولعيها..
وبعدها أبقى أعذرينى..

أنا جبت آخرى..والبعد أخرى..
ياتعقلى..ياتودعينى..
...........
اذا أقتبست كلماتى ووضعتها بأى مكان أخر
فضع بجوارها أسمى لأنى سوف أتعقبك

موضوع: رد: خليكى باعده 31/07/10, 04:07 pm

الله عليك ياصابر
تصدق انها تنفع اغنيه جميله جدا
تسلم ايدك

» تحميل خليكى مكانى لمحمد رمضان