عسل ومر..

موضوع: عسل ومر.. 01/08/10, 12:26 pm

..فرقت معاك..ماحسبتهاش..
أنا كل همى كان هواك..
كان نفسى بس أكون معاك..
ماحسبتهاش..جنه ولا نار..معاك..

أنا كنت جنبك..عشان بحبك..بحس انى حته منك..
كان بيتى حضنك..دوايا حبك..الموت وبس يبعدنى عنك..
كل اللى منك..جميل وحلو..
حتى المرار.. ماكنش مر..
حساك بتاعى..حساك شراعى..على أى جنب أطويك تروح..
مابشفش داعى..انك تراعى..أكون ف أيدك لماتروح..
وأقول بيرجع..أنا بعدى يوجع..عمروا مايوم يتحملوا..
وثقت فيك..من حبى فيك..وكان هوانا ف اولوا..
ترجع براحتك..أنا بتاعتك.. وأنت حر..
مستنياك..ومشتاقاك.. على نار وجمر..
من غير ماأفكر.. ليه الغياب..
مااعرفش ان وراه عذاب..
واللى بالاخلاص حابسنى..
داس بأخلاصى التراب..

جسر المحبه خلاص فصل..
ودرس أخلاصك وصل..
مهما تدارى اللى حصل..
القلب جوايا انكسر..
ومش ح ادوق مرك عسل..

أى قلب يعيش فى ذل..
يوم ما يتذكر يمل..
لو فرشت الارض فل..
العسل..ح يدوقوا مر..
..........
اذا أقتبست كلماتى ووضعتها بأى مكان أخر
فضع بجوارها أسمى لانى سوف أتعقبك