داعى عليك..

موضوع: داعى عليك.. 03/08/10, 11:29 am

وهمك كان حلو وصدقته..
وبهرنى الدور اللى بدأته..
وعجبنى وسيبتك كملتو..

خد قلبى معاه كأنه حقيقه..
وأنا عشت معاه كل دقيقه..
وأنت بأحساس أوى مثلته..
خلتنى بنيتى صدقتو..
كان أجمل دور أنت عملتو..

أتلوعت كأنك عاشق..
وبقيت تبكى زى مفارق..
وكلام حب حبيب مفتون..
عاشق وبيعشق بجنون..
عيشتنى وياك ف الدور..
ماأعرفش ان دا دور مرسوم..

عشت معاك القصه بحالها..
مبهور.. ومتيم بجمالها..
علشان كانت أحلى حكايه..
والادوار مرسومه بعنايه..
وأستحليت الكدب معايا..
ماصحيتش الا خلاص دى نهايه..

أستاذ ف غرامك..ف كلامك..
تسحر أى برىء قدامك..
شاطر ف الرقه ومن ضحكه..
أجمد قلب يموت فيك لهفه..

عارف امتى تعيش الدور..
أمتى تخلى العقل يدور..
ويصدق كدبك على طول..

فاكر لما سألتك عنى..
تعمل ايه لو مش متهنى..
قلت ح اقابل حب جديد..
وأرمى بنفسى لأول ايد..

دور بقا على أيد تقابلها..
شوفلك قصه وروح مثلها..
هيه شويه وتزهق منها..
وتدورلك على ايد غيرها..

قلبى المخلص داعى عليك..
اللى جراله تشوفه عينيك..
وتقابل فنان كده زيك..
بيمثل..يتعلم فيك..
وأبقى أفتكر اللى أنت عملتو..
والاحساس اللى أستكترتو..
وهنايا اللى أستخسرتو..
وقول القلب اللى أنت كسرته..
داعى عليك....
.............
اذا أقتبست كلماتى ووضعتها باى مكان أخر
فضع بجوارها أسمى لأنى سوف أتعقبك

» داعى عليك...
» يهون عليك..
» من حقى عليك
» مين شار عليك
» ..حقى عليك..