خليت ليه بيه

موضوع: خليت ليه بيه 07/09/10, 10:32 pm

زرعنا ورده.. نعيش عليها..
ودنيا واحده..أنا وأنت فيها..
وقسمنا فرحه.. بنحس بيها..
ليه النهارده..فرطت فيها..

أنا سيبت قلبى يعيش معاك..
الاسم قلبى ونبضو هواك..
ماكنش باقى من الجنه غير..نشوف ملايكه جنبنا..
وانت ملاكى مابشوفش غيرك.. آمين وحارس حبنا..
عملت أنا أحضانى بيتك..
فى العين وبالرموش داريتك..
ماكنش فاضل.. غير روحى تفدي.. بإ شاره واحده من إيديك..
وعشان هواك..غيرت طبعى..نسيته واتأثرت بيك..
كنت بحاول أكون ف عينيك أحلى البشر..علشان أرضيك..
مابقاش فى حاجه غريبه عليك..
كل اللى فيا أتشاف بعنيك..
بس الغريبه بقيت ألاقيك..
بعد اللى بيا.. خليت بيه..
وجيت عليه وأنا برضيك..
بعد الغرام شفت آسيه..
وبعتنى من غير أسباب..
عرفت إنى هويت كداب..
قصرت عمر الهنا بالغدر..
مش لاقى لإهمالك عذر..
من حب وعشق وحنيه..
تقلب قسوه جديده عليه..
خليت ليه بيه
....
اذا أقتبست كلماتى ووضعتها بأى مكان أخر
فضع بجوارها أسمى لأنى سوف اتعقبك