آدى النتيجه

موضوع: آدى النتيجه 12/09/10, 10:45 am

آدى النتيجه..
لما عزة نفسى تصدمها كرامتك..
لما كتر سؤالى يتفاجىء بصمتك..
لما تشعر إنى م الحنان حرمتك..
لما تظلمنى عشان فاكر ظلمتك..
نبقى سوا وأغراب..
ماتسميناش أحباب..
ولا حتى نبقى صحاب..
من غير مجامله دى الحقيقه..
أنا قولتها.. وبميت طريقه..
لما أحلامنا البريئه..
تنتهى ف لحظه ف دقيقه..
الحب يبقى رماد حريقه..
آدى النتيجه..

ونكون بقينا إتنين..متفرقين..
واحد أنا..التانى مين..

نتحدى بعض..بكل بُعد..
وكل واحد..ينكر ف وعد..

لما تتفاجىء شروطك بأستحالة إنى أرضى..
ليه بتحلف إما موتك.. إما أرضخ للكلام دا..
والعناد تثبت فى ذاتك..لسه بينغص حياتك..
بكره تبكى ع اللى فاتك..مش ح تسمع غير آهاتك..
والحياه الحلوه الجريئه..
بعدى تبقى سنين بطيئه..
لما أحلامنا البريئه..
تنتهى ف لحظه ف دقيقه..
والحب يبقى رماد حريقه..
آدى النتيجه
..........
إذا أقتبست كلماتى ووضعتها بأى مكان أخر
فضع بجوارها أسمى لأنى سوف أتعقبك