هات معاك ورقه وقلم

موضوع: هات معاك ورقه وقلم 15/09/10, 08:09 am

هات معاك ورقه وقلم..
وأكتب ح أقولك عنى إيه..
ح أوصف شعور قلب إنظلم..
وكل مابيحس بيه..
أنا بس ح أحكى وأنت تكتب..
إحساسى مابيعرفش يكدب..
ح أكلمك من جوه روح..
بلسان كيان مليان جروح..
ماعرفشى عمروا مره يهرب..
ولا كنش عارف فين يروح..
كنت أسير وأنا جوه نفسى..
بعيش وأنا مصدوم بيأسى..
مافيش صحاب غير وحدتى..
ولا حد يسمع شكوتى..
حضنى الحنين للدموع كل ليله مخدتى..
ولا حد يعرف اللى بيه..
ولااسيب عيون تشوف عينيه..
تعبت صوتى م الآهات..
ندمان على كل اللى فات..
تاهت بعمرى سنين طويله..
غير الليالى والساعات..
أكتب ح أقول كل اللى فاكره..
ماضى أليم مش ناسى شكلو..
ولو القلم ح يجف حبروا..
كمل كتابه بدمع همى..
ولو حسيت بعيونى فضيوا..
خد بالقلم وأكتب بدمى..
أبدء كتابه ويلا سمّى

» ورقه فاضيه
» تحميل فيلم ورقه شفره جوده عاليه
» احلف بعمرى معاك
» قلبى معاك..بقلمى(صابر)
» حسه بتغير معاك..بقلمى(صابر)