ماتلزمنيش..

موضوع: ماتلزمنيش.. 17/09/10, 07:52 am

ماتلزمنيش..بهجرانك بنسيانك.. ماتلزمنيش..
ظلمت ف نفسى علشانك وأنت مافيش..
ماتلزمنيش..
بقوة قلبك الجامده..
ملامح وشك الصامته..
وتعبيراتك الباهته..
ماتلزمنيش..
ولابأحاسيسك الصلبه..
ولمسة إيدك البارده..
ونظرة عينك الشارده..
ولا بشروطك الصعبه..
وطيش أفكارك الجاحده..
وإعجابك بميت واحده..
ماتلزمنيش..
أنا كنت ف جمال ورده..
دبلت لوحدى م الوحده..
ماتلزمنيش..
ماتلزمنيش بشك ماليك..
وتسجنى عشان أرضيك..
سكوتى كنت عشمان فيك..
وكان عندى أمل أرضيك..
ولو بالعدل.. أشك أنا فيك..
ماتلزمنيش وبتهدد..
ح تحرمنى وتتوعد..
وح تسيبنى وكمان تحلف..
ودايما بالفراق بادى..
ونازل طعن ف فؤادى..
وبتألم.. تكون هادى..
رخيصه إزاى كده حياتى..
وتنسى كأنى شىء ماضى..
وأقول بالكدب مش فاضى..
وأصدق وهمى وأدادى..
لقيت إهمالى شىء عادى..
بتظلمنى هنا قصادى..
ماتلزمنيش خلاص ماتجيش..
ماحبتنيش..
روح إنسى وعيش..
ماتلزمنيش

» تحميل كليب نبيهه كراولى ماتلزمنيش