..النسيان..

موضوع: ..النسيان.. 19/09/10, 05:46 pm

النسيان..
لما بيتمناه إنسان..
تبقى نجوم السما أقربله.. وأسهل وأسرع م النسيان..
حلم بعيد تحقيقه عشان..مش معروف لوجوده مكان..
النسيان..
غالى وماأعرفلوش عنوان..
فينك ياوهم النسيان..
أنا مستنى بقالى زمان..

ياريته كلمه..كان يبقى رحمه..
لو كان بكلمه.. كان يبقى نعمه..
لكن حقيقيه خيال وصعبه..

نفسى أغيّر نفسى وجلدى..
وأمسح بصماتك من يدى..
ولمس كفوفك من على خدى..
وأخاصم طيفك لما يعدى..
وأدور وشى.. وأمّد برجلى..
وأبعد وأنسى ألآمى ويأسى..
وأروح على دنيا أبقى لوحدى..
لاأستناك ولا أشوفك جنبى..
ولا تظلم إحساسى وقلبى..
ولا أدمع طول ماأنت معدى..
صبرى عليك يخلص تعاندنى..
ولا بسأل حبيت ليه بعدى..
ولا أعذارح ترجع ودى..
عشان ف الاصل بحب وبدى..
والاخلاص من روحى وطبعى..
وألاقى الغدر جواب على حبى..

ليه توصلنى للغليان..
مش بيهمك أكون إنسان..
لما أسكت على كده غلطان..
ولا أحسش و ياك بأمان..
لما يكون العشق هوان..
وآخر حبى معاك حرمان..
مش ح أحتاج غير للنسيان..
يمسح من أيامى وجودك..
وينسينى حياتى معاك..
إما بموتى..إما بموتك..
إما يروح من قلبى هواك..

فينك ياوهم النسيان..
تبعد بينا بالمعروف..
تفصلنا زى ماحتشوف..
وتفرقنا لأى ظروف..
أرحم من إحساس الخوف
............
لو أقتبست كلماتى ووضعتها بأى مكان أخر
فضع بجوارها أسمى لانى سوف أتعقبك

» حتى النسيان مستغرب
» 7 نصائح لمقاومة النسيان
» مابين النسيان والتناسى نبدأ من جديد