حتى بعتابك بعشقك

موضوع: حتى بعتابك بعشقك 11/11/10, 09:00 am

حتى بعتابك..
حتى بعتابك بعشقك..
واستنى اشوفك واسمعك..
ح تقولى ايه..
زعلانه ليه..
وتفضى قلبك واللى فيه..
عشان بحبك برضى بيه..

لما تقوليلى برقتك..
وتفرحينى بضحكتك..
وتفكرينى بقسوتك..
بتوشوشينى بهمستك..
حتى ف عتابك..بسمعك..
عشان بحبك واعشقك..

بستنى تيجى تعاتبينى..
عتاب يقول بتحبينى..
مهما قسيتى بترضينى..
غلطان بكون وتسامحينى..
دايما كلامك حنيه..
من غير جراح ولا آسيه..
صحيح بحس بلوم ليا..
بس بغرام وعشم فيه..

انتى اللى نفسك تلاقينى..
ملاك عشان بتحبينى..
وعشان كده بتعاتبينى..
من غير ماترضى تجاملينى..
حتى العتاب بيخلينى..
حطك مرايه قصاد عينى..
اول ماحاجه تنسينى..
الاقيكى جيتى تهزينى..

حتى بعتابك انتى الحب..
موجوده دايما جوه القلب..
وبتغفرى لما اعمل ذنب..
وبتعرفى تعاتبينى بحب..

حتى بعتابك بعشقك..
حتى ف عتابك بسمعك..
عشان ضميرى مصدقك

» ..لأنى بعشقك..
» راغب علامة بعشقك
» هبه الامير اغنيه انا بعشقك
» تحميل ميريام فارس وميس حمدان انا بعشقك
» تحميل اغنية صابر الرباعى انا بعشقك من الالبوم الجديد