مااعرفش انساك

موضوع: مااعرفش انساك 17/11/10, 04:34 pm

أنا كنت نسيت إنى عشقتك..
ومحيت من بالى إن انا شفتك..
ومنعت القلب يجيب سيرتك..من كتر آساك..

وبغمض عينى وفيها صورتك..
واعتب على نفسى إنى سمعتك..
واندم علشان يوم صدقتك..وطاوعت هواك..

وصحيح غلطان إنى طاوعتك..
وخاصمت الدنيا عشان خاطرك..
من بين العالم دا اختارتك..واخترت لقاك..

أنت مااخلصتش يوم ليا..
واديتلك قلبى وعينيه..
كنت بتشترى وتبيع فيه..وغلبت معاك..

وبرغم دا كله إذا يوم شفتك..
بخاصم نفسى إن انا سيبتك..
واتمنى ماكون لحظه هجرتك..وافرح بلقاك..

واحلم إنى اكون غيّرتك..
ورجوعك داعشان فكرتك..
مهما بتعمل أنا بغفرلك..مااعرفش انساك..

وعرفت ف لحظة ماقابلتك..
انا ليه حبيت واتحملتك..
رغم الحرمان ف العين شيلتك..ياأرق ملاك..

ولا عمرى بعدت وأهملتك..
ولا فاكر مره إنى عاتبتك..
دايماً إنسان مع شوق حبك..واتمنى رضاك..

انا بصبر دايماً على غيبتك..
لا قلت كفايه ولا عاتبتك..
ولا فاكر مره إن انا سيبتك..والروح وياك..

لو تعرف بس إنى بحبك..
كنت تريحنى أنت وقلبك..
ياتجينى ف حضنى واكون جنبك..ياتاخدنى معاك

» تحميل اغنيه احمد سليمان مااعرفش ازاى
» انا عايزه انساك..بقلمى(صابر)
» تحميل اغنيه احمد رجب عايزنى انساك
» تحميل ناريم واغنيه ماقدرش انساك
» تحميل اغنية رامى جمال انساك