انت ولاّ هيه

موضوع: انت ولاّ هيه 18/11/10, 06:52 pm

انت ولاّ هيه..مين فيكم بدء..
انت ولاّ هيه..مين فيكم نطق..
اتجنيت عليه..انت ولاّ هيه..
مين فيكو اللى باعنى..واللى ضحى بيه..
انت ولاّ هيه..

كانت صديقتى..وقت ضيقتى..ياما معاها ارتحت..
ليه قسيت عليه.. انت وهيه ..وف هواها وقعت..
ماكنش غيرها..بشتكيلها..اشكيك لمين دلوقت..
كنت اميرى.. بقيت ذليلها.. ومن عينيه وقعت..
كنت ف عينيه واغلى ماليه دلوقت ح ارميك تحت..

ليه هيه دى..واشمعنى دى..
مابنات كتير قدامك..
يتمنوا طيف احلامك..
ترضى تكون خدّامك..

طب فيها ايه عجبك ماكنتش بعمله..
انا كنت بنطق بالجواب قبل ماانت تسأله..
ايه اللى قدرت من هواك تتحمله..
انا كنت بتحمل آساك حتى لما تكتره..
قول حاجه واحده قربت بينكم ومش موجوده فيا..
طب هاتلى واحده.. حبتك قدى فى كل الدنيا ديه..

ليه تكرهنى ف صديقتى.. وفيك وفيا..
عملت ايه يقسيكم عليه..
اشكيك لمين دلوقت..
وهيه فين دلوقت..
واشكيها هيه لمين..
بقيتوا ليه ظالمين..
بقيتوا ليه خاينين..
مش كنا تلاته..دااحنا كنا اتنين..
أشكى حكايتى لمين