حب السنين..بقلمى (صابر)

موضوع: حب السنين..بقلمى (صابر) 04/12/10, 02:48 pm

إحنا بينّا..عيش وملح..
وياما بينّا..دموع وفرح..
وحب مش محتاج لشرح..
وعمر غالى مافيهش جرح..
مش محتاجين.. شكوى وآنين..
حب السنين.. مايسيبش جرح..

انت تتنازل شويه..أو تبطل عند فيا..
وتبقى من غير الآسيه..
وانا طيبة قلبك تكفينى..
وتجدد جوايا حنينى..
وتفكرنى بحبك ليا..
تخمد النار والآنين..
يصحى من تانى الحنين..
يفرح الحب الحزين..
وكلمتين ..بين عاشقين..متفرقين..
يرتوى حب السنين..

انا عن نفسى..
ح اعمل ضلع فى صدرى قلم..
واكتبلك بيه..

انا عن نفسى..
ح اعمل جلد الجسم ورق..
واكتبلك فيه..

وابعت اقولك.. يلا تعالى كفايه ألم..
مش ح نسيب العمر يعدى خصام وندم..
والحبر الاحمر من دمى..
يحكيلك على جرحى وهمى..
وح استنى رجوعك لحبيبك..
لو زعلان.. انا آجى اجيبك..
نرجع تانى متواعدين..
متعاهدين..
يرتوى حب السنين..

» ليه انا..بقلمى(صابر)
» قلب مين..بقلمى(صابر)
» انت آسف..بقلمى(صابر)
» من بره بس..بقلمى(صابر)
» لو كنت زيك..بقلمى(صابر)