ماصدقتش..بقلمى(صابر)

موضوع: ماصدقتش..بقلمى(صابر) 06/12/10, 11:46 am

ماصدقتش..وقلت دا حلم..
وبعد شويه ح اصحى واقوم..
وانا بحلم ودا مش علم..
كابوس جانى فى عز النوم..
لسه معايا من كام يوم..
ومش هوه.. أكيد مظلوم..

مصدقتش ..وقلت عينيه خدعانى..
انا م الحب..بشوفه فى كل شىء تانى..
ماصدقتش..تكون انت معاك تانى..
انا ف القلب..لايمكن لحظه تنسانى..

ماصدقتش.. لقيت نفسى ف غيبوبه..
ضعيفه..بقيت خايفه ومرعوبه..
أأقرب وآجى اتحقق بصوره وصوت..
وايه يضمنلى اتماسك دايمكن اموت..
وكسر القلب مش بس مراره ونار..
دا عند المخلص الوافى يكون زلزال..
ومااضمنشى اواجه غدر.. واتحمل وانا بنهار..
وعمرى ماكنت اتصور.. تكون انت كدا غدار..

وحتى لو انت..
انا اواجهك بأى سؤال..
يفيدنى بأيه تكلمنى وانا شيفاك بقيت غيرك..
يفيدنى بأيه واعمل ايه بكدبك او بتفسيرك..
ماينفعشى تكون ظالم وانا اسمع او احكيلك..
مايلزمنيش تقول حاجه مافيش داعى لتمثيلك..

وصدقنى..
ماصدقتش بدون إثبات..
وشفت بعينى..ماظلمتش..
وحب ومات..
ولما افتكره حتى ساعات..
ح اقول ذكرى فى عمر وفات..
وياما جوه.. الذكريات

» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)