انا اللى علمتك

موضوع: انا اللى علمتك 11/12/10, 08:43 am

أنا اللى علمتك ياناسيه..أول حروف كلمة غرام..
دلوقتى ليه بقيتى قاسيه..ومليتى قلبى بالالام ..
رد الجميل ليا إنتقام..
ولا آسيه والسلام..
انا اللى علمتك حرام..
يكون دا اخرة العلام..

أنا اللى علمتك تحبى..
وانا اللى خليتك اميره..
انا اللى سكنتك ف قلبى..
وسهرت جنبك كل ليله..
دلوقتى منى بتستخبى..
وتقدمى اعذار كتيره..
انا اللى خليتك كبيره..
انا اللى فكيت الضفيره..
انا اللى كبرتك بحبى..
انا اللى خليتك جميله..

انا اللى صونتك بين ايديه..
وحضنت صورتك بين عينيه..
دلوقتى بتغيبى عليه..
مابشوفش منك غير آسيه..
ازاى يكون حبى الضحيه..
لقلب حركته بايديه..
وجرح قلبى يكون هديه..
فوق المرار والقسوه ديه..

انا اللى علمتك تكونى.. حبة مشاعر دفيانه..
مااعرفش إنك ح تخونى.. ولا كنت شاعر بخيانه..
مافيش حبيبه بمليون لون..
قاسيه غريبه تبيع وتخون..
ياللى قلبتى آمانى ظنون..
من يوم ماسيبتى الحب يهون..
انا علمتك مش ندمان..
وكفايه إنى اكون انسان

موضوع: رد: انا اللى علمتك 11/12/10, 10:19 am

انا اللى خليتك كبيره..
انا اللى فكيت الضفيره..
انا اللى كبرتك بحبى..
انا اللى خليتك جميله..

الله عليك يا أستاذ صابر بجد كلمات جميله جدا واحاسيس عاليه تسلم الايادى000 تقبل مرورى المتواضع

» اللى يحبك انت
» اللى يحب حد
» دا كل اللى فاضل منك
» اللى حبك تجرحه
» ..اللى انكسر..