تجربه..بقلمى (صابر)

موضوع: تجربه..بقلمى (صابر) 12/12/10, 10:34 am

تجربه..
هيه كانت تجربه..
بس خساره ماتستاهلش..
كنت حاسه..
كنت عارفه..
متحاولش..
ليه تدارى وتحلف إنه مااتكسرش..
اتكسر..
وانقسم..
متحاولش..
هوه لمّا قلب يهجر يبقى حب..؟
ولا لمّا حبيب بيغدر عنده قلب..؟
واللى يقول حبيت وينسى عمروا حب..؟
متحاولش..
كفايه كدب..
متحاولش تقلب الكدب لحقايق..
قول كلام معقول ولايق..
بعت ليه.. عشره ف دقايق..
للدرجادى.. رخيصه حياتى.. واللى مابينّا كأنه مكان..
وبقيت ماضى.. ومنتاش راضى.. تقوللى بقيتى مع النسيان..
غرك كتر سكوتى وصمتى..
فكرك إنى أرخص قيمتى..
أو ارضالك جرح كرامتى..
مش ح اقبل اتهان وافوت..
ولا محتاجه لحب يموت..
لو كان حبك بلسم روحى..
بُعدك أكرم لو حيموت..
ومافيش حد بيملك قدروا..
كل الناس ترتاح لو قدروا..
وأى حبيب يعمل مابداه..
وانا كان حظى كده وياه..
مش ح انكر وحاولت انساه..
واللى مايتحققش ف لحظه يتحقق طول مانا عايزاه..
تجربه..
مرت ماانكرش..
بس نسيتك..متحاولش

» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)