مش ح امنعك ..بقلمى(صابر)

موضوع: مش ح امنعك ..بقلمى(صابر) 13/12/10, 07:37 pm

مش ح امنعك..
تقول كلام..تجيب ملام..تبيع غرام..
مش ح امنعك..
تنكر حنانى..تهجر زمانى..سديت ودانى..
مش بسمعك..
مايكونش اخر حاجه بينا اتهام..
وكلام يخلى القلب يكره الغرام..
انت شاطر ف العتاب..
فى الغياب..
ف الحساب..
ف العذاب..
مع قلب بيحبك وداب..
مش ح امنعك..
قول براحتك واملا قلبى من آلامك..
سيب صراحتك تجرى بدموعى لملامك..
دا اللى باخده من غرامك..
لوم وقسوه من كلامك..
يوم ف السنه حلو وبقيتها فى الهموم..
وكأن انا واحده اشتريتها عشان تلوم..
قدمتلك.. روحى رميتها كل يوم..
بتحنلك.. وفايتها بتعد النجوم..
مش ح امنعك..
وانت شايف ان راحتك ف البعاد..
مش ح امنعك..
وانت عارف..انت بتحب العناد..
بيهون عليك العمر يجرى فى الخصام..
من غير ماتدى قلوبنا فرصه للغرام..
بالعقل يعنى مش تقول هجرك حرام..
مافاضلش فيا حاجه تتحمل آلام..
مش بمنعك ف آسيه..ليه ح امنع الحنيه..
لو يوم تطل عليه..
واللى يعيش ف جراح..لو مره شاف افراح..
يحس دى من ديّه..
لو جيت تعيش حواليه..
مش ح امنعك..

» انت آسف..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)