سعيده إنى شفتك..بقلمى(صابر)

موضوع: سعيده إنى شفتك..بقلمى(صابر) 25/12/10, 07:37 pm

سعيده إنى شفتك..

ايوه انا..مااتغيرتش..
ايوه انا.. لسه مامتش..
مستغرب ليه إنى بسلم وسلام بالإيد..
وبقولك اهلا بوجودك وانا واقفه بعيد..
كان متهيألك بشتاقلك واستنى سؤال..
واتمنى اشوفك مهما عملت وبعدك طال..
يغمى عليه.. واترمى على حضنك وانا ببكى..
واشكى وانهار..
او اقولك ياحبيبى بحبك..
وتعبت ياريت عمرى ماسيبتك..
انا غلطانه ..انا غلبتك..
انا عشت على الماضى وسيرتك..

تبقى بتحلم.. لو شكيت لحظه إن انا فاكراك..
حقك تندم.. على كل دقيقه انا مش وياك..
انت اللى خسرت وتستاهل إن انا انساك..

مافرقش معايا تكون موجود..
قلبى بيتحمل مش بيموت..
واهو جرح يعدى وحب يفوت..
والدنيا لابد نجاح وسقوط..

طب مين ف الدنيا مايتغيرش..
او مين قالك إنى مابقدرش..
انا قدامك لسه مامتش..
اتحملت ومااتأثرتش..
وقدرت اتغلب على ضعفى..
واطلع فوق احزانى واسفى..
وابقى اكبر من رقة قلبى..
وادوس على آلمى وعلى حبى..

وبقولك ايوه ..انا عرفتك..
وانا مش ندمانه إنى خالفتك..
عن اذنك ممكن اسمحلى..
انا مضطره اسيبك و امشى..
وسعيده بجد إن انا شفتك

» انت آسف..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)